Во големото „Олд Фирм“ дерби, Ренџерс и Селтик одиграа нерешено 2-2 иако домаќините во 26' минута водеа со 2-0. На крај гостите израмнија во 90+1' минута преку Јапонецот Рео Хатате. Спектакуларен погодок претходно постигна двојниот стрелец на Ренџерс Јусеф Чермити со ножички. Македонецот Бојан Миовски остана на клупата за резерви и не влезе во игра.

Олимпик Марсеј ја прекина неверојатната победничка серија на Олимпик Лион која траеше 13 натпревари во сите натпреварувања. Марсеј славеше 3-2 со гол во судиско продолжение на ветеранот Пјер Емерик Обамејанг. Претходно Бразилецот кој дојде од Феенорд Игор Паишао направи мала забава за навивачите.

Рома и Јувентус одиграа лудо дерби на „Олимпико“ кое ќе се памети. Паднаа 6 гола. Натпреварот заврши 3-3 иако Рома имаше голема предност од 3-1. Гостите прво намалија па дури во последните секунди од средбата преку стоперот Гати израмнија во 90+3' минута на 3-3. Франсиско Консеисао постигна страшен гол, вреден награда.

По крајот од дуелот меѓу Сфаксен и Габес во фудбалската лига на Тунис кој се играл во 12 часот напладне по локално време, а во време на Рамадански пост, сите играчи буквално попаѓале на земја изнемоштени. До освежување и храна имале уште четири часа.

Интер Мајами победи во 2. коло од новата сезона во МЛС лигата, а Лионел Меси покажа дека е во одлична форма на неколку месеци пред Светското првенство 2026. Екипата на Аргентинецот славеше 2-4 на гости кај Орландо Сити. Лео даде гол за израмнување 2-2 и потоа од слободен удар прекрасен погодок за 2-4.

Евертон игра супер под водство на Дејвид Мојс и синоќа направија големо изненадување откако со 2-3 го совладаа Њукасл на гости пред преполн „Сент Џејмс Парк“. Голем удел во триумфот имаше голманот и капитен Џордан Пикфорд кој во финишот одбрани страшно торпедо на Сандро Тонали.

По здружените воени напади на Израел и САД врз Иран во кои загина иранскиот ајатолах Али Хамнеи (86), како сите области така и спортот во оваа земја е сопрен во услови на војна. Фудбалската лига е суспендирана на неопределено време а прашање е сега како Иран ќе се постави кон Светското првенство 2026 кое го игра во САД.

Дваесет и шест годишниот Грк од татко Грк и мајка од Уганда, Емануил Каралис на 28-ми февруари на државното првенство во атинското предградие Пеанија прво имал успешен обид на 6,07 метри, па решил да го крене предизвикот на 6,17.

Денвер Нагетс загуби на гостувањето против Оклахома во продолженија со 121-127. Мареј постигна 39 поени, а Јокиќ оствари трипл-дабл. Србинот влезе во клинч со Лугенц Дорт, кој неспортски го фаулираше, а потоа и со Џејлин Вилијамс, кој застана во одбрана на својот соиграч. Дорт беше исклучен за намерниот фаул, а Јокиќ доби техничка.

По Хрватска, Словенија, Србија и БиХ, Македонија се приклучува на „Спортските игри за млади“ кои оваа пролет ќе се одржат во 10 спортски дисциплини, а се очекува да учествуваат над 1.000 деца. По потпишување на договорот со македонска влада, промоторите и амбасадори на настанот, заедно со македонските претставници се нагостија со богата софра на Боемска. На едно место можеа да се видат Жељко Обрадовиќ, Предград Даниловиќ, Славен Билиќ, Предраг Мијатовиќ, Аљоша Асановиќ, Шиме Врсаљко, Веселин Вујовиќ, Игор Ангеловски, Масар Омерагиќ, Борко Ристовски...

После пауза од пет години, во Градски парк, кој е во ново руво, повторно се играше кошарка. Заигра македонската репрезентација против Луксембург во претквалификациите за Европското првенство 2029 и победи 79-70. Нашиот национален тим направи кам бек во култната сала после 20 години. Првите поени ги запиша Итан Хап и тоа атрактивно со забивање по само 16 секунди игра, на асистенција на Марин Петков.

Најдобриот стрелец во историјата на репрезентацијата на Франција (57 гола на 137 настапи) синоќа повторно постигна гол на стадионот „Рајко Митиќ“ во Белград. Некогаш во дресот на Арсенал Жиру даде прекрасен гол, а синоќа на неполни 40 години пак стрелаше против Црвена звезда и го одведе Лил во осминафинале од Лига Европа. После мечот Жиру ги разгледувал музејските поставки на стадионот. Застанал пред култната фотографија на Дарко Панчев и пеналот во финале на Куп на европски шампиони против Марсеј.

По регионалните подкасти поранешни и сегашни кошаркари често раскажуваат разни анегдоти кои се буквално за филмски сцени. Така некогашниот српски кошаркар Славко Стефановиќ раскажа дешавки со Перо Антиќ од времето кога играа за Лукоил Академик во Бугарија.

Обично ги меша англискиот и германскиот, ама сега смени. Англиски со шпански.

Македонија ѝ се приклучува на најголемата аматерска спортска манифестација за деца и млади во Европа – „Спортски игри за млади“. Токму затоа во Владата на Република Македонија и официјално беше потпишан договор за соработка и нашата земја стана дел од оваа престижна меѓународна платформа. Познати гости од регионот во Скопје.

На силниот турнир АТП 500 во Акапулко на кој играа познати играчи како Александар Зверев, Гаел Монфис, Тиафо, Белучи и други, српскиот тенисер Миломир Кецмановиќ оствари пласман во полуфинале на необичен начин. На неговиот дуел против Французинот Атман, Кецмановиќ победи 6:3, 6:3 но последниот поен го доби по казна за противникот откако главниот судија го казни Атман поради задржување време подолго од предвиденото меѓу поените.

Легендарниот фудбалски ас Иван Ракитиќ кој блескаше во дресовите на Базел, Шалке, Барселона и Севиља, денес беше гостин на ждрепката за осминафинале во Лига на шампиони. Уште од првата кугла не му одеше добро, му се лизгаше од раце поради кремата што прехтодно ја ставил.

На тазе завршените Зимски олимписки игри, Јоханес Хесфлот испиша историја и стана прв спортист со 6 златни медали, освоени на една зимска олимпијада. 29 годишниот норвешки скијач победи во дисциплините класичен спринт, 10 километри слободен стил, 20 километри скијатлон, 50 километри класичен стил, екипен спринт слободен стил и штафета 4×7,5 километри. Погледнете како царот го искачуваше успонот.

Попладнево во Нион, по ждрепката за осминафинале во Лига на шампиони, традиционално под водство на веќе легендарниот Џорџо Маркети и неговиот гостин Маниш од Португалија, се извлекоа и паровите за 1/8 финале во Лига Европа. Одлични парови за големи мегдани.

На денешната ждрепка во Нион беа извлечени осминафиналните двојки за Лига на шампиони. Бодо Глимт доби противник по мерка.

За време на пријателска средба меѓу најпознатиот еквадорски клуб Индепендиенте дел Вале и Интер Мајами одигран во Порторико пред 12.500 гледачи, некои неодговорни поединци влетале во терен во желба да се сликаат со Лео Меси. При гужвата со редарите го собориле на земја.

Во четвртфинале на средношколски баскет во САД меѓу Јужен Орегон и Бушнел, домаќинот водел 2 поени предност на 1,2 секунди пред крај и плус слободно фрлање. Го промашува намерно со цел да истече време, ама негов соиграч прави најглуп фаул на сезоната при обид за три поени. Гостите добиваат три слободни, ги даваат сите и победуваат.

Турскиот гигант Фенербахче синоќа го победи на гости англискиот премиерлигаш Нотингем Форест со 1-2 но поради поразот 0-3 дома во Истанбул испадна пред 1/8 финале на Лига Европа. Околу 2.000 турски навивачи правеле хаос во гостинскиот сектор а поради фрлени бакљи во терен судијата го прекина мечот на кратко уште во 2' минута. Фенербахче го чека казна од УЕФА за ова, а домашните навивачи се чудеа зошто не виделе факел на англиски стадион.

Нотингем Форест успеа со вкупен резултат 4-2 и покрај поразот 1-2 на домашен терен од Фенербахче да помине во осминафинале на Лига Европа. Англиските медиуми пренесуваат фотографии од гостинскиот сектор на стадионот „Сити Граунд“ каде седеле турски навивачи кои направиле карамкаша.