Ќе играме вечер во балон? Да, само ќе мора сите да имаме сертификати за Ковид вакцинација. Петмина од наша екипа имаат, а на шестиот му дише мозокот.

Долго време во повеќе дисциплини стојат рекорди од пред неколку години и никако никој да ги урне. Дали се дојде до максимумот на човековите физички резерви или нешто друго е во прашање.

Ова на колото е некако малку, а не е доволно да се каже ниту на месецот. Веројатно „Офсајд лик на сезоната“ ќе заврши работа и ќе биде адекватно кажано за овие сцени и за историја, но и за сеир.

Во втората лига на Босна и Херцеговина, на меч меѓу Будуќност Лукавица и Рудар Букиња во кантонот Тузла, локални сировини кои го следеле натпреварот, по вториот гол на гостите влегле во терен и физички ги нападнале судиите меѓу кои и една помошничка судијка која ја удриле и надвор од теренот.

Елиф Елмас со гол ја стартуваше новата сезона во Италија и доби висока оценка за настапот, а тоа го радува не само Лучано Спалети, туку и Благоја Милевски. Следната недела Македонија игра мундијалски квалификации.

Еден го нападна од позади и го бутна, па го нападна втор, па трет. Но Џек Харисон им рече џабе се трудите, дома ќе ја носам.

На фудбалерот од Рајо Ваљекано, Тијаго Кореа, кој има малку необичен прекар „Бебе“ му направиле компилација на удари од последниот меч против Реал Сосиедад, со која не може никаде и никако да се прослави. Се гледа дека гори од желба да постигне гол за најавни шпици, ама прегоре од обиди.

Феликс Брих некогаш беше меѓу првите десет најдобри судии во Европа но по низа погрешни проценки и слаби настапи, сега суди и во втората германска Бундеслига. Коментатор на Спортклуб, револтиран од претходни арбитражи на Брих, даде коментар за него.

Македонската фудбалска репрезентација за 10 дена стартува со септемвриските натпревари од квалификациите за СП, а во пресрет на трите дуели имаме добра најава од новото засилување во напад.

Рома и Фиорентина одиграа луд меч во првото коло од Серија А. На „Олимпико“ во Рим „волчицата“ славеше 3-1, а на дуелот имаше два црвени картони (гостинскиот голман Дронговски во 17’ минута и Ѕаниоло во 52’ минута). Мурињо при водство на Рома низ нозе пропушти една топка пред Нико Гонзалес кој се изнасмеа на потегот на Жозе.

Големи натпреварувања раѓаат и големи херои. Таква е сторијата за една полска олимпијка која докажала колку човекот може да биде голем кога е најтешко.

Фудбалските викенди ретко поминуваат без некое смешно и нелогично промашување, а овој пат такво имаше во Португалија. Порто одигра 1:1 на гостувањето против Маритимо, а шпанскиот напаѓач Тони Мартинез не ни успеа да шутне на метро од гол.

Судија на меч од втората фудбалска лига на Данска меѓу Вендсисесел и Фредериција при еден напад гостите кои имаа шанса за гол, реши да не пушти предност после очигледен прекршок, досуди фаул, па во ист момент жив се изеде зошто не пуштил игра и направил грешка.

Со две победи од по 1:0, Нуно Еспирито Санто бележи убав старт во Тотенхем. Прво против Сити, а синоќа против Вулверхемптон од каде дојде. Внимавајте добро што им направи на двајца, крилото Стивен Бергвијн кој во јануари 2020-та пристигна од ПСВ.

Фалеа навивачите и фудбалот без нив со месеци беше театар, ама нивното место е сепак на трибини, а не на терен. Ултрасите на Ница влегоа во клинч со фудбалерите на Марсеј и настана големата.

Леванте и Реал со спектакуларни 3:3 ја затворија неделната програма во Ла Лига. Барди влезе во 78-ма минута и веднаш центрираше од слободен удар по што падна гол за 3:2, но Винисиус Жуниор беше во елемент и два пати израмнуваше во вториот дел.

На стадионот „Диего Армандо Марадона“, Наполи иако со играч помалку уште од 23' минута по директниот црвен картон кој го доби шпицот Осимен, успеа во вториот дел да го скрши отпорот на Венеција. Капитенот Инсиње во 56' минута промаши пенал, но беше прецизен само шест минути подоцна исто од пенал. Елиф Елмас ја запечати победата во 73-та минута со сјаен гол на отворање на новата сезона во Серија А.

Во полуфиналето на Мастерсот во Синсинати гледавме руско дерби меѓу Рубљев и Медведев. Првиот фаворит на турнирот и втор тенисер на светот, Медведев во еден момент се удри и ја преврти камерата која беше веднаш позади него. Среќа сите поминаа добро. Судијата се симна да праша како се, а Данил бараше да ја тргнат камерата од тука.

По триумфот во првото коло против Реал Сосиедад од 4:2, Барса ремизираше во Билбао. Пике се повреди во прво, Ерик Гарсија доби црвен картон во 93-та минута, а големото холандско засилување од Лион распали со левица за конечни 1:1.

Во Мексико беше изведен удар од 11 метри кој ако се случеше во некое финале во последна серија, притисокот 200. Личи дека ја промаши, а уствари е чист гол. Стрелец Нико Лопез од Тигрес кој не ја погоди мрежата, туку стативата, ама таа што е внатре.

Во стравичните видеа кои стигнуваа од Авганистан се гледа дека при евакуација на оние кои сакаа да ја напуштат земјата, некои беспомошно се качуваа дури и на авионски крила и тркала па паѓаа од големи висини.

Со оглед на тоа што нашите клубови немаат квалитет ниту за пласман во Конференциска лига, а не па за Лига Европа и Лига на шампиони, да почнеме да увезуваме вакви бар за забава а?

Поранешниот голман на македонската репрезентација седна на „Жешко столче“, емисија на Јутјуб која со помош на нејзиното име и прашањата на водителот, знае да открие по некоја пикантерија во спортот.

Топ тема на вечерта во квалификациите за ЛЕ беше Мухамед Гамускаја од Фенербахче. 20 годишниот играч од среден ред со еврогол го реши ХЈК Хелсинки за конечни 1:0, ама потоа се збуни при прославата на голот.