Offside › Набрзинка

Седлоски: Мора да се промени односот, доаѓаат тука да се прошетаат

3 ноември 2026

Најголемо внимание на прес конференцијата пред дуелите со Шкотска и Словачка, предизвика острата забелешка на Гоце Седлоски за дисциплината на фудбалерите кога доаѓаат на репрезентативните собири.
„Миовски подолго време нема минутажа во Ренџерс. Тој не е избришан од составот, но кога ќе има поголема минутажа ќе биде со нас. Нема тука лутење. И мора да се промени односот бидејќи кога ќе дојдеш тука мора да знаеш како да се однесуваш и тука сум разочаран од играчите. Доаѓаат тука да се прошетаат и да си заминат во клубот.
Нема веќе на никого да му простувам и се знае како се бориш за тој дрес. Игравме со Шкотска и Словенија и знаеме за какви репрезентации станува збор. Да ги поправиме грешките од тие мечеви. Барам од играчите да има моторика и дисциплина во играта. Списокот што го објавив се играчи кои имаат минутажа и затоа ги избрав овие 26 фудбалери“, изјави Седлоски.

Се враќаат Чурлинов и Серафимов, отпаѓа Миовски

извор

Се враќаат Чурлинов и Серафимов, отпаѓа Миовски

3 ноември 2026

Селекторот на македонската фудбалска репрезентација, Гоце Седлоски, го објави списокот на фудбалери за претстојните натпревари против Шкотска (13.11.) и Словенија (16.11.) од Лигата на нации.
Седлоски се одлучи за 26 фудбалери, меѓу нив напаѓачот на Шкендија, Марко Ѓорѓиевски, а повратници во составот се Дарко Чурлинов, Имран Фетаи, Стефан Деспотовски и Никола Серафимов. Бојан Миовски не е повикан.
Македонија на 13. ноември игра против Шкотска во Глазгов, по што следува домашниот натпревар со Словенија на 16. ноември на Националната арена „Тодор Проески“ во Скопје.

извор

Гигантот се буди: КК Работнички со максимален старт – сите пет победи

2 ноември 2026

Импресивната игра и петте стартни победи на лидерот и досега единствениот непоразен тим, Работнички во 35. прволигашко кошаркарско првенство, во МТЕЛ Супер Лигата, се неговиот најдобар клупски старт по пауза од девет години. Во таа сезона 2017/2018 тогаш исклучително моќниот Работнички, кој беше најмалку за класа подобар од конкурентите, го заврши регуларниот дел со импресивните и неповторливи максимални 22 победи.
Играта на сегашниов Работнички сè повеќе почнува да потсетува на славните времиња на (Годел, Фершпед) Работнички! Широк е фондот на квалитетни и за тимот мошне важни домашни кошаркари – такви се најмалку седуммина. Разновиден е начинот на игра, што го практикува шефот на стручниот штаб Владимир Мирковски, кој, помеѓу другото, одлично ја распоредува и минутажата. Темелот е цврстата и агресивна одбрана. Одлично се избрани и вкомпонирани исклучително квалитетните три странски засилувања кои се максимално подредени на тимот.
Дали стартов мириса на борба за шампионскиот пехар во за Работнички посебно убава година во која се прославува јубилејни 80 години постоење, во голема мера ќе покаже и градското дерби против МЗТ Скопје за неколку дена.

извор