Цела НБА е на нозе, Кралот Џејмс се искачи на тронот

Леброн Џејмс стана најдобар стрелец на сите времиња откако го мина Карим Абдул Џабар кој го држеше рекордот 39 години. Мечот беше во прекин, а Џабар на лице место му честиташе на Леброн за неверојатниот подвиг.

Историјата беше испишана на 10,9 секунди до крајот на третата четвртина кога Џејмс се крена на шут и го постигна 36-от поен на мечот против Оклахома Сити и со тоа стигна до бројка од 38.388 поени.

Официјалните лица одлучија да го прекинат мечот во негова чест, цела сала го поздрави со аплаузи и овации, а потоа следуваа честитки од неговата мајка, сопруга и децата.

Му честитаа и комесарот на НБА, Адам Силвер, како и Карим Абдул Џабар за кого Џејмс побара од публиката овации.

„Сакам само да им се заблагодарам на сите поддржувачи на Лејкерси, Вие сте единствени“, рече Џејмс

„На сите што некогаш биле дел од оваа моја трка во последните 20 години, сакам само да кажам благодарам многу, бидејќи без вас, јас не би бил јас“.

Џејмс постигна уште 2 поени во четвртата четвртина во поразот од 133:130, но сепак ноќта му припадна нему.

На 38 годишната легенда кој сега има 38.390 поени и беа потребни помалку натпревари од легендарниот центар со очила, за да се најде на вечната листа на стрелци. 1.410 наспроти 1.560 на Џабар.

Соборувањето на рекордот е уште поимпресивно затоа што тој од неодамна стана и четврт најдобар асистент во НБА лигата.

Кариерата ја почна во 2003 година во Кливленд и освои четири НБА прстени, два со Мајами и по еден со Кливленд и Лејкерс.

8 февруари 2023 - 08:26

Штета ако сте пропуштиле

Лесно е да си iГенерал после битка

Треба прво да се одмразат

Граѓански преписки

Климент, отец на својата светлина