„Не знам кого би можеле да гледаат овие три девојки кои седат тука. Мене сигурно нема“.
„Мечка се жени“. Ова се само два од коментарите на Босанецот, опседнат со љубовниот живот на играчите. Не сте чуле полудачки пренос.

Новиот тренер на Барса, легендарниот Чави со победа ја тргна авантурата на „Камп Ноу“ и тоа во дерби против градскиот ривал Еспањол. Победија 1:0 со гол на Мемфис Депај од пенал во 48’ минута. Чави вовел некои новости во екипата, некои се строги принципи ама и некои невообичаени ритуали на тренинг за јачање на морал.

Во меч од 15. коло на полската Екстракласа, Краковија прекина серија од два порази со триумф од 1:0 над Раков. Еврогол даде Отар Какабадзе со шут од далечина.

Се калеше во Ла Масија заедно со Давид Бабунски од каде направи трансфер во Лацио, каде играше четири сезони. Потоа настапуваше за Монако, а од таму беше позајмуван во Интер и Сампдорија. Ако сте го заборавиле, да знаете дека оваа сезона е член на Каљари, клуб кој и не е баш адекватен за неговите квалитети. Погледнете каква акробација изведе против Сасуоло. Маестрален потег.

Една од најбогатите земји на светот пред неколку години ја доби организацијата на вториот најголем настан на светот, фудбалскиот Мундијал. Домаќинството значи голема чест, но и голема одговорност.

Пред дваесетина дена се појави видео од мечот Партизан - Хувентуд во Еврокупот кое стана хит. Жељко вика тајм аут и на асистентот му бара табла за цртање тактика и фломастер. Таблата ја добива веднаш, ама фломастерот заглавува откако асистентов го фаќа паника.

Меѓу незадоволните навивачи на Манчестер Јунајтед кои со право беа фрустрирани поради катастрофалните резултати на скапата екипа, а на кои чашата им ја прелеа дебаклот од Вотфорд (4:1), имаше и такви кои пишуваа коментари „Солскјер да си оди по риба“. Интересно е што Оле стварно потекнува од рибарско место.

Фудбалерите на Торино понеделнички го совладаа Удинезе со 2:1, натпревар од кој вреди да се видат сите три гола. Илија Несторовски повторно беше во тим по долгата пауза, ама сè уште не добива шанса.

Без разлика што се работи за трета лига, ова треба да е најлошиот фудбалски терен во историјата кој некогаш се појавил на интернет. Кога веќе има судии, главното прашање е зошто воопшто почнале да играат? Па диви свињи не би стапнале овде.

Тинејџерот на Рома Феликс Афена Гјан доби ветување од Мурињо дека ако даде гол против Џенова, ќе добие патики од 800 евра кои многу му се допаѓање. 18 годишниот напаѓач даде два, а Жозе следниот ден ги набави и му ги даде лично. За тоа е цар, кога ќе вети нешто ветено е.

Викендов се играше Лацио - Јувентус, меч од кој на социјалните мрежи кружи фотографија за која штета што нема инфо. Барем да дознаевме од каде е ликов.

Првиот стрелец во италијанската Серија (делат лидерска позиција со Душан Влаховиќ со по 10 гола) и кога не игра фудбал е во центар на вниманието. Омилен меѓу тифозите на Лацио кои пред дербито со Јуве го испочитуваа максимално.

На толку фудбал викендов, ќе се најде и по некој лик како голманот на Дерби, Келе Рос кој си го искомпликува својот живот  и на цела екипа на мечот против Борнмут. Среќа 3:2 тепаа, инаку ќе јадеше ластици.

Пиза игра супер сезона во италијанската Серија Б и во моментов по 13 средби е на второ место со 25 бода, само два помалку од лидерот Бреша. Во неделата играа против Беневенто и победија 1-0 со неверојатниот гол на 25-годишниот Израелец Јонатан Коен.

Манчестер Сити убедливо со 3:0 го доби Евертон, победа со која се држи втор на -3 од лидерот Челси. Мора да издвоиме два јаки моменти од мечот, а тоа е асистенцијата на Жоао Кансело први првиот гол и проектилот на Родри за 2:0. Воопшто не ни требаше да се фрла голманот.

Реал Мадрид под водство на Карло Анчелоти продолжува прави попара во шпанската Ла Лига и после 13 кола е прв на табела со 30 бода (9-3-1) и меч помалку од првиот следбеник Реал Сосиедад. Реал минатиов викенд сњо 1-4 ја згроми Гранада на гости.

Се прославија против Рома, која ја попарија дома со 6:1. Викендов играа против Лилестром кој го совладаа со 2:0, меч кој доби продолжение од 24 минути поради обилни вржени од снег. Што ти е машина и брзина. Кај нас вака кога врне, го одложуваат мечот и два дена го чистат теренот со лопати.

Германската јавност се соочува со жестоки дебати и дискусии какви што има во секоја земја. За или против вакцина е прашањето кое се поставува често.

По стаж од три години, Оле Гунар Солскјер се разделува со Манчестер Јунајтед. Клуб во кој освои 12 трофеи како играч, но нула како тренер. Најголемиот успех му беше второ место во Премиер лига и финале во Лига Европа.

По којзнае кој пат сезонава, во француската Лига 1 дојде до нереди и до целосен прекин на меч. Во францускиот фудбал никогаш немало сезона со толку прекини, а уште не се ни до пола со одиграни кола.

Андриј Шевченко дебитираше на клупата на Џенова, а капитенската лента му ја даде на Горан Пандев. Но шоуто им го украде анонимус од Гана по име Феликс Афена Гјан кој има само 18 години.

Старите ривали Детроит и ЛА Лејкерс некогаш водеа битки во легендарната „Palace of Auburn Hills“, а синоќа во „Little Caesars Arena“ играчи од двата тима направија голема тепачка.

Едно од надраматичните дерби соочувања викендов беше јадранското, каде паднаа 5 гола, ќотек, пресврт во 98-ма минута, влетување на навивачи на терен, фрлање факели, пресметка на трибини.