29 годишниот Гери Пејтон II е син на легендарниот Гери Пејтон, член на Куќата на славните и НБА шампион од 2006-та. Пејтон-помладиот играше во Вашингтон Визардс па во развојната Џ-лига, а сега е во Голден Стејт. На мечот против Индијана кој „воините“ го добија 102-100, Пејтон се одмораше зад клупата ама и таму направи беља, турна пиво на гледачите потпрено на ограда.

Никола Јокиќ уфрли 28 поени со дури 19 скока и 9 асистенции и на својот Денвер Нагетс му донесе нов важен триумф, овојпат против Вашингтон Визардс 113-107. Ама мечот го заврши на шест минути пред крајот кога судиите го исклучија поради приговор.

Последна трка на сезоната, последен круг. Хамилтон води за титула, Верстапен го претркува и „му ја краде“. Возбудата, емоциите и радоста на механичарите пуштени на најјако. Момент во Абу Даби кој ќе го паметат до крај на животот.

На ждрепката за 1/8 финале во Лига на шампиони се случи нешто што досега не сме виделе: поради грешка УЕФА мораше да ги поништи извлечените резултати и да влече сè одново.

Се користи и врши многу работа за спорни пенали и офсајд ситуации, ама дека може да се случи да исклучат голман уште пред да брани, е тоа го немавме видено до сега.

Фудбалерите на Газиантеп го изненадија фаворитот Фенербахче на последниот меч од 16. коло во турскиот шампионат со триумф од 3:2. Стрелец за гостите беше Месут Озил, ама шоуто му го украде Бразилецот Жоао Фигуеирдо кој даде два комада. Едниот лудница од пола терен.

Атлетико Мадрид - Манчестер Јунајтед, Интер - Ливерпул и ПСЖ - Реал Мадрид се мега битките кои беа извлечени на повторената ждрепка за нокаут фазата во ЛШ.

Андреј Аршавин како гостин и човек од УЕФА до него му асистираа на Џорџо Маркети при влечењето на ждрепката за Лига на шампиони. Направија чорба па решија да ја повторат ждрепката. На Атлетико ни крив ни должен му падна Баерн, па Германците се зафркаваат:

Третото по ранг натпреварување на УЕФА не е воопшто занемарливо, особено ако се знае дека таму играат клубови како Тотенхем, Рома, Марсеј, Лестер, ПСВ, Фенербахче, Селтик... Попладнево по фарсата со ждрепката за Лига на шампиони која се повтори, па супер влечењето за Лига Европа каде на Елмас и Наполи им падна Барселона, последно ги добивме паровите за 1/16 финале на Лига Конференции.

Попладнево во швајцарскиот град Нион, во седиштето на УЕФА, по ждрепката за елитната Лига на шампиони, се извлекоа и паровите за 1/16 финале во второто по ранг натпреварување - Лига Европа.

УЕФА ги измеша брзините на денешната ждрепка во Нион и направи една, односно две грешки. Втората следуваше веднаш по првата. Ептен ја утнаа.

Атлетико Мадрид - Баерн Минхен и ПСЖ - Манчестер Јунајтед се двете најатрактивни осминафинални битки во следната фаза од Лигата на шампионите. Незгоден противник доби и италијанскиот шампион Интер.

Пети Милс до Кевин Дурант, Кевин Дурант до Пети Милс, Пети Милс до Кевин Дурант, Кевин Дурант до Пети Милс, Пети Милс до Кевин Дурант, Кевин Дурант до Пети Милс...Доста ви е?

Макс Верстапен е уникатен и модерен пилот во современата Формула 1 и тоа никој не може да го спори. После долги години патувачкиот циркус конечно доби ривалитет кој ја заинтригира јавноста. Урната е хегемонијата на Луис Хамилтон. Ја сруши најмладиот победник во историјата на Гран при (сопственик и на рекордот за најмлад дебитант во Ф1).

Знаете што? 7 метри и 32 сантиметри е ширина на голот, а 2 и 44 е висина. Па ова и јас би го дал на празен гол, рече коментаторот на мечот Лајпциг - Борусија Менхенгладбах 4:1.

Тимот на Лучано Спалети три кола е без победа во Серија А. По ремито со Сасуоло и поразот дома од Аталанта, повторно загубија пред своите навивачи, овој пат со глупоштија од гол.  Камерунецот Андре Франк Замбо Ангиса ја исфрли топката со глава, ама многу несреќно го погоди Кутроне во глава и топката влезе во гол. 85 минути за Елмас кој излезе поради повреда.

Сасуоло по којзнае која сезона по ред игра фудбал за мерак. По цена и да изгубат, црно-зелените играат атрактивно и тоа понекогаш им носи резултат. Откако го урнаа Милан на гости, сега го здиплија и Лацио со 2-1 и тоа после пресврт.

Јута Џез го растури Вашингтон Визардс со 123-98, но главен хајлајт од мечот е еден комичен обид на 28-годишниот Кентавиус Колдвел Поуп кој се реши да забива во еден напад, ама како да го утна аголот.

Хезус Санчез им рекол дома дека не планира да се одјави додека не го види Атлас со шампионскиот пехар. Тоа го доживеал само еднаш во животот, во 1951-ра година, кога имал 20 години и еве го сега повторно по 70 години пауза, Атлас е шампион на Мексико и тоа по изведување пенали. Какво чувство.

Колку треба да немаш компас или да немаш осет со глава за да направиш ваква утка сам на празен гол? Примеров е од Мексико.

Актуелниот шампион на Шпанија капитулираше во мадриското дерби и сега и на -13 со натпревар помалку зад големиот ривал. Карим Бензема ја игра сезоната на кариерата.

После голема драма и неколку чудни одлуки, 24-годишниот Холанѓанец Макс Ферстапен успеа да го симне од тронот апсолутниот шампион Луис Хамилтон и да стане нов светски првак.

Купот на Арабија во организација на ФИФА се игра првпат годинава меѓу репрезентации од арапскиот свет. Овој турнир за првпат во историјата се играл во 1963-та но со прекини низ годините а организатор била UAFA (Арапска фудбалска асоцијација).

Денвер Нагетс го доби Сан Антонио Спарс 127:112 а одново најдобар играч на паркетот беше Никола Јокиќ со 35 поени, 17 скока, 8 асистенции и 2 блокади. МВП на НБА лигата буквално правеше што сака на теренот, од луцидни асистенции до силни забивања со кои го виткаше обрачот.