Зверев полуде, удираше со рекет кај судијата, избркан е од турнирот

Германскиот тенисер Александар Зверев нема да може да го продолжи натпреварувањето на турнирот во Акапулко (Мексико). Исфрлен е поради скандалозно однесување после меч во двојки кога со рекет грубо удираше во столицата кај што седеше судијата Алесандро Џермани. Зверев испадна со Марсел Мело во дубл 2:6, 6:4, 6:10 од двојката Лојд Гласпул-Хари Хелиовара, а во четврток во сингл требаше да игра со Петер Гојовчик.