Антонио Рудигер има некој несфатливо специфичен начин на игра во одбрана еден на еден, кој не го практикува прв пат. Ова е снимка од синоќешното гостување на Реал против Алавес кое го доби со 0:1 со гол во 92-ра минута.

Во фудбал се случува, ама за ракомет ова е нетипично промашување на празен гол и тоа на Аркадиуш Морито од Кјелце, кој ваква шанса со заврзани раце треба да ја реализира. За ужасот да биде поголем, Кјелце како владетел во полскиот ракомет, загуби дома од Висла Плоцк со 28:29 и ова им е замислете прв пораз на домашен терен во првенство по 2011-та или после серија од 189 меча.

Топ тема на денот е правната битка која Суперлигата ја доби на суд против ФИФА и УЕФА. Флорентино Перез и неговите сојузници на идејата се радуваат, а клубови како Баерн Минхен, Манчестер Јунајтед и Атлетико се јавија со соопштение дека се против. Италијанскиот третолигаш Пескара е воздржан.

Македонската ракометна репрезентација во следните 10 дена за ЕП 2024 ќе се подготвува во Стара Пазова, Војводина. Предизвикот е тежок, потребна е дополнителна мотивација, а тоа е големиот хит на Дадо Топиќ. Во група сме со Германија, Франција и Швајцарија, а стартуваме против Французите на 10 јануари.

Џарод Бовен (27) е најомилен играч меѓу навивачите на Вест Хем, а синоќа после мечот со Ливерпул (5-1 за црвените во Купот), Јирген Клоп изјави дека центарфорот Бовен му е најомилен противнички играч во Премиер лига. Шпицот има 5 настапи за Англија. Во Вест Хем е од 2020-та и досега има повеќе од 50 гола за „чеканите“. Само сезонава тој постигна 12 погодоци на 22 настапи во сите натпреварувања.

Во дербито од индиската Супер лига, Мумбаи Сити со 2-1 го победил Мохун Баган. Овој меч влегол во книгата со рекорди на индискиот фудбал како натпревар на кој се поделиле дури 7 црвени и 11 жолти картони!

На 19-ти декември 2009-та година кога Борусија Дортмунд славеше 100-годишнина од основањето, на околу 14 степени Целзиусови, цел стадион ја пееше Џингл-белс во еден глас. Сцена која ретко се доживува.

Јокиќ одбележа уште еден триумф на шампионот Денвер Нагетс, откако синоќа во победата против Торонто 113-104 блесна со нов дабл-дабл учинок. Дончиќ запиша трипл-дабл но неговиот Далас Маверикс изгуби од ЛА Клиперс.

Нова трета епизода за 10 дена во турскиот фудбал која излезе од контрола. Овој пат во трета лига, каде падна многу ќотек на сите страни. Еден играч е исфрлен од тим.

Барса се врати на победнички патеки во Ла Лига откако со 3-2 синоќа ја совлада Алмерија со головите на Рафиња во 33-та и Серхи Роберто два, во 60-та и 83-та минута. А интересно е да се види во каков авион се возат.

Мбапе ја заврши 2023-та на совршен начин. Постигна два комада од кои едниот еврогол за победа на ПСЖ против Мец од 3:1. Плус брат му Итан дебитираше на 16 години и сето ова се случи на 25-от роденден на Килијан. Француско продолжува на 12 јануари.

Шкотска дефинитивно се покажа како идеална средина за македонскиот центарфор кој решета скоро на секој натпревар. На конто сезонава има 14 гола на сите натпреварувања од кои 8 во првенство.

Трансферот на Елиф Елмас во Лајпциг кој треба да се реализира во јануари, го потврди и Фабрицио Романо, најголема манга меѓу инсајдерите со 19 милиони следбеници на Твитер. Под неговиот твит има 290 коментари. Првиот е со следново видео:

„Беше невозможно да го убедиме да престане со работа. Една недела пред смртта пешачевме заедно 10 километри на дожд. Кога почна да истура, рече: Да почекаме да престане, па да продолжиме. Беше лав во кафез“.

Најдобриот македонски тенисер Калин Ивановски веќе неколку дена во Дубаи тренира и се спрема за новата сезона. Неколку пати е во друштво на најдобриот тенисер на светот Новак Ѓоковиќ кој му дава совети за да му ја подобри играта на Калин кој со 19 години има амбиции да го подобри своето место на АТП листата. Во моментов е на 325-та позиција.

Хоџсон во моментов е тренер на Кристал Палас со кого му извади огромен бод на шампионот Манчестер Сити (2-2) по негатива од два гола и се надева дека ќе тргне да бележи добри резултати по неколкуте порази.

Рајо Ваљекано е забавен клуб со интересни навивачи. Екипата на нашиот Столе Димитриевски од година во година игра речиси исто: ќе ги победи Барселона и Реал Мадрид, ќе биде при самиот врв неколку кола и после ќе им почне падот. Сега имаат четири порази на последните седум меча и се на 11-то место на табелата. Навивачите од групата „Буканерос“ кои важат за тврди левичари на синоќешниот меч со Валенсија извадиле убава утешителна парола.

На толку сменети клубови, успеси и работа со стотици и стотици играчи во 30 годишната кариера, на 64 годишниот Дон Карло му се простува. А и не дека му е лесно и звучно името за памтење. Aurélien Tchouaméni. Треба да сурфа на нет човек за да му го изговори точно, освен ако не знае француски.

Лукас Окампос од Севиља и Серхи Канос од Валенсија ги ставија на страшни маки голманите на Гранада и Рајо Ваљекано. Севиља славеше 0:3, а Валенсија 0:1. Столе не ја виде топката од што беше јак ударот.

Челси и Њукасл одиграа луд меч во четвртфинале на англискиот Лига Куп. Гостите први поведоа во 16’ минута, а Челси израмни во 90+2’ минута од судиско продолжение преку Украинецот Михајло Мудрик кој обезбеди пенали. На пеналите промашија Трипие и Ричи кај Њукасл и Челси оди во полуфинале. Бруно Гимараеш претходно имаше старт за затвор врз младиот Јан Матсен и помина само со жолт картон.

Фулам го исфрли Евертон на пенали во Карабао Купот со 7:6. Слушнете го циркузов на коментаторот кога се местеше да шутира Амаду Онана. Како на караоке.

Скинати лигаменти е дефинитивно најзаебаната повреда кај спортистите. После операцијата на Нејмар на 2 ноември, беше соопштено дека ќе паузира девет месеци. Најново е дека ја пропушта и Копа Америка која стартува на 20 јуни. Што да каже човек после ова видео?

Македонските репрезентативци Енис Барди и Валон Етеми беа дел од натпреварот меѓу Истанбулспор и Трабзонспор на кој домашниот претседател Фаик Саријалиоглу ладнокрвно решил да ја повлече екипата и да го прекине мечот незадоволен од судењето.

Елиф Елмас ја напушта Серија А и се сели во Бундеслигата. Се договорил со Лајпциг за рекорден трансфер од 25 милиони евра, до сега невидени за македонски играч во ниту еден спорт.