- Кристијано Роналдо доби суспензија од 30 дена и парична казна од дури 255 евра од страна на Португалската фудбалска федерација, откако минатиот месец го напушти кампот на репрезентацијата.
- Капитенот си замина сред циклус во Лига на нации откако не доби шанса да игра против Норвешка, а потоа дозна дека нема да биде во почетниот состав за натпреварот против Данска на 1 октомври.
- Роналдо преку соопштение наведе дека си заминал бидејќи селекторот Жорже Жесус, двапати не си го одржал зборот, обвинувајќи го за целосно нарушување на довербата.
- Суспензијата за напаѓачот на Ал-Наср стапува на сила од денот на натпреварот против Данска, што значи дека тој веќе одлежал 19 дена од казната и нема да пропушти ниту еден натпревар на Португалија која на 14-ти ноември повторно игра против Данска, а три дена подоцна гостува во Велс.
- Некогашниот легендарен фудбалер на белградски Партизан и позната легенда на југословенскиот фудбал Џевад Прекази починал на 70 години, пренесуваат белградските медиуми.
- Прекази, роден во Косовска Митровица беше еден од најсаканите фудбалери меѓу навиввачите на Партизан чиј дрес го носеше од 1976-та до 1983-та година. Освои три шампионски титули со белградскиот состав.
- Голема трага остави и во Галатасарај каде одигра 185 натпревари од 1985-та до 1991-ва и освои две шампионски титули.
- Играше уште и за Хајдук Сплит, а по крајот на кариерата се занмаваше и со мал фудбал во САД каде играше за Балтимор Бласт. За младинската репрезентација на Југославија запиша три настапи. Како тренер подоцна два пати го водеше белградски Железник.
- „Не се ограничувам со ништо“, изјави легендарниот Дидие Дешам минатиот јуни пред да ја заврши последната авантура на Светско првенство со Франција.
- Дешам ги водеше триколорите цели 14 години а на свои 58 години после јуни се реши да одмори од се и да ги наполни батериите. Негов наследник на клупата на Франција стана Зинедеин Зидан.
- Сега Дешам го поврзуваат со многу големи европски клубови како неговиот Јувентус во кого остави голем белег, така и Манчестер Јунајтед, пишува француски footmercato.net кој вели дека клубот од „Олд Трафорд“ бара замена за Мајкл Карик кого сензационалниот пресврт против Рома 3:2 од 0:2 му го продолжи макар на кратко престојот на клупата на Манчестер.
- Управата на Манчестер Јунајтед ги сонувала Јулијан Нагелсман и Унаи Емери но првиот веќе е пред договор да се врати во Ред Бул Лајпциг а вториот е врзан силно со договор за Астон Вила која што не сака да ја напушти.
