Во елитната норвешка лига, не во некоја непозната анонимна лига, на голманот на Брине, Јан Де Бур му дале четири табли јајца како награда за најдобар играч на мечот против Боде Глимт кој завршил 0-1 за гостите.

Бил Кенеди има 58 години, роден е во Феникс, Аризона.  Со судење во кошарката се занимава уште од раните '90-ти години, а во НБА почнал да суди од сезоната 1995-1996. Има судено дури пет НБА финалиња како и финалето на Светско првенство 2010 и финале на Олимписки Игри 2012. На еден натпревар на Хјустон Рокетс пред неколку дена се направил „на Тошо“ кога требал да го исклучи Дилон Брукс.

На врвот не е ниту Халанд, ниту Мбапе, туку Роберт Левандовски. Има 38 гола на 36 години на сите натпреварувања, неверојатно. Кејн и Салах стандарно, а изненадување е и Дембеле кој во ПСЖ гази со 30 гола.

Ни билет, ни документ за идентификација. Со FaceID и пркосат на хартијата.

ПАОК го совлада АЕК на гости со 2:3 и тоа после негатива од 2:0. Пресвртот го најави Јанис Константелиас, кој постигна мајсторски, но истовремено и многу тежок гол во трк, со трите потребни елементи, прием, дриблинг и гол.

Во 82-ра минута од натпревар во Купот на Перу меѓу Спорт Хуаквиља и Магдалена СЕДЕК, некој незадоволен член од гостинската екипа поради црвен картон кој го добил нивен играч, влетал во терен да се пресмета со судиите. Се залетал кон главниот судија Луис Алегре ама добил контра-удар. И тоа јак.

Лос Анџелес Лејкерс продолжија со добри партии откако синоќа со 104:98 го совладаа Хјустон Рокетс во дербито на Западната конференција во НБА.

По големиот и незапаметен скандал пред натпреварот Шкендија - АП Брера кога домашни навивачи свесно и намерно со урлање и свирежи ја омаловажија минутата молк во чест на трагично загинатите млади луѓе во дискотеката во Кочани, Фудбалската федерација на Македонија се згрози од случајот, однесувањето го нарече нечовечко и најави драстични казни.

Балистите дефинитивно немаат акал. После сите скандали и глупоштии кои ги прават на етничка основа, се истакнаа со нов бесрамен потег. Фудбалерите на Шкендија и Брера застанаа во строј да им оддадат почит на настраданите од дискотеката во Кочани, а тие мртви ладни продолжија да навиваат и пејат за време на минутата молк. Мизерија од потег.

Го гледаме колегата на Миовски, Алехандро Франсес, како и ироничната насмевка на Флик и потоа што да видиме во Унгарија и тоа во прва лига. Неверојатно. Кој од кој побанален. Одиме со двете видеа. Второто е бетер. Се работи за Бразилецот Матеус Салдана од Ференцварош. Како не им е глупо кога ќе гледаат хајлајтс?

На Антони му тргна во Бетис. На 12 меча во сите натпреварувања, има 4 гола и 4 асистенции и е еден од најдобрите поединци во тимот кој се искачи на шеста позиција. Ама уште му вадат душа на Твитер. Си влече тоа корени од „брилијантните“ партии на Олд Трафорд.

Носењето на повредниот играч е само вовед во една необјасниво непотребна лакрдија, која на крај ќе заврши со апсење на еден буцко, кој се обиде да го совлада џандарот. Што ви е бре луѓе?

Човекот наоѓа мотивација да игра со деца на кои може да им биде татко или има дупло години од нив. Сулудо. А тие, останатите генерации, измеѓу него и децата, не им остана многу. За жал се родиле за време на три тениски дивови. Ај, добро, нека бидат четири. Енди нека не се лути. Сепак, „наш“ е сега. Ќе му прогледаме низ прсти.

Неверојатниот Словенец Домен Превц на последното натпреварување од Светскиот Куп постави нов светски рекорд.

Кошаркарскиот свет уште е во чудо по неверојатниот кош на Никола Јокиќ на мечот Денвер Нагетс - Јута Џез (129:93) кој ладнокрвно ја фрли топката со една рака од преку половина терен и го постигна можеби најлудиот погодок во неговата НБА кариера. Србинот има 5 такви слични шута во кариерата од огромна далечина.

Лос Анџелес Лејкерс со 134:127 го победи Мемфис Гризлис а јунаци на триумфот беа Остин Ривс кој беше најефикасен, како и суперѕвездите Леброн Џејмс и Лука Дончиќ кои направија неколку маестрални потези.

Во 5. коло од новата сезона во МЛС лигата во САД, Интер Мајами со 2-1 ја совлада Филаделфија благодарение на голот на Лионел Меси во 57-ма минута. Меси постигна победнички гол а го прослави со замавнување форхенд во знак на поздрав до Новак Ѓоковиќ кого го гледаше во полуфинале на Мастерсот во Мајами а подоцна си разменија и дресови. Новак денес игра финале за нова шампионска титула.

Партизан 1985, Челик 1986, Црвена Ѕвезда 1991. Сакаш Борац Чачак? Ајде и Чачак. На прва ги пука, без застој.

Атлетико Мадрид одигра само 1:1 на гостувањето против Еспањол и сега е на -6 од лидерот Барселона. И покрај тоа што има 108 настапи за Осасуна и 47 за Атлетико, 35 годишниот Цезар Аспликуета го постигна деби голот во Ла Лига кој ќе го памети. Бомба на прва.

Точно во 59-та минута, фудбалерите на Пелистер и Вардар прекинаа со игра и аплаудираа за жртвите од Кочани. Чкембари беа на нозе, со едноминутен аплаузи им оддадоа почит, а имаа спремно и порака: „Ги испивме чашите, се собравме другарите, но невозможно е сега да не ве жалиме“. Инаку Вардар славеше со 1:3, а Комити не патуваа за Битола во знак на почит на настраданите.

Новак Ѓоковиќ се пласираше во големото финале на Мастерсот 1000 во Мајами откако го совлада Григор Димитров со 2-0, 6:2, 6:3 во сетови. Ноле во финалето ќе го чека младата чешка сензација Јан Меншик кој пред пет месеци наполнил 19 години и кој го совлада домашниот тенисер од САД Тејлор Фритц во полуфиналето. Дуелот Ѓоковиќ - Димитров од ложата го следел Лионел Меси а после мечот се сретнале во соблекувалните и си размениле дресови.

Екипата на Денвер Нагетс ја совлада Јута Џез 129:93. Никола Јокиќ забележа дабл-дабл учинок за три четвртини и надмина еден рекорд на легендарниот Лери Бирд.

Поранешниот напаѓач на Реал Мадрид и Милан веќе една година е во затворот Тремембе во Бразил. Има на располагање радио, ТВ, книги и игри, па дури и простор за сончање. Но тој се бори за повеќе од тоа, а тоа е полуслобода, барање кое постојано му го одбиваат.