Во септември имаше убави сцени по натпреварот Севиља - Барселона (1-3), а сега пак Фермин Лопез и баба му Лоло имаа средба во Андалузија каде Барса му гостуваше на Бетис и пак славеше убедливо после пресврт исто како и со Севиља минатиот месец.
Баба Лоло не дошла со празни раце: му донела торба со омилените колачи и кабаница за дожд, „за да не наврне и да не му студи“.
Му ги подарила колачите и го замолила да ѝ го даде дресот на девојчето кое стоело до неа. „Девојчево доаѓа од Уелва“, му рекла.
Termina Betis-Barça. Fermín Lopez va a abrazar a su abuela. Ella le dice que hay una niña que vino desde Huelva a verlo, que le regale la camiseta. Fermín hace caso y la niña no lo puede creer. Abuela, tipaza total🫶 https://t.co/pdhzJMCDty
— Juez Central (@Juezcentral) October 18, 2026
Веднаш после тоа девојката од клупскиот канал на Барселона го прашала Фермин: „Колку ти значи баба ти за тебе“? -Таа е многу важен дел од мојот живот и многу сум среќен што дојде тука за натпреварот, многу ја сакам и секогаш е со мене“, рекол Фермин Лопез.
Vaya momento el que compartió Fermín con su abuelita al final del juego.🥹🫂 (Vía @fcbarcelona/ig) https://t.co/5h23IXcNZu
— ESPN Deportes (@ESPNDeportes) October 19, 2026
ФЕРМИН БИЛ ТАЖЕН КОГА ОТИШОЛ ВО АКАДЕМИЈАТА НА БАРСА, БАБА МУ ГО ПОДДРЖУВАЛА
Во Ел Кампиљо од каде што потекнува Фермин, од каде што е роден и каде живее неговото семејство, има околу 2.000 мештани. Селото се наоѓа на околу час возење од Севиља. Од тука Фермин на 13 години како голем талент отишол на проба во познатата „Ла Масиа“.
„Тоа беше мој сон, но навечер многу плачев“, се сеќава Фермин. Баба му исто го мислела: „Кога играше навечер, си мислев: Ох малечкиот мој, како ли му е таму сам, без нас?“.
Во дерството Фермин често го задевале другарчињата зошто бил слаб и малечок. „Кога бев мал тоа многу ме нервираше. Не играв како што сакав, малку излегував на терен а тренерите не ми веруваа. Татко ми секогаш ми викаше дека морам да работам повеќе од останатите“.
Баба му секогаш му викала да верува во себе и го сметала за посебен. „Многу го сакам, не само поради тоа што ми е внук! Него сите го сакаат тука и тој го знае тоа. За мене мојот мал внук е најубав. Затоа и тој дојде кај мене. Извинете но морам да кажам: сите внуци ми се убави“, рекла баба Лоли.
Во февруари Фермин и Лоли снимиле дури и реклама за чоколадата Милка и за шпанска Ла Лига. Таа е посветена на сите баби и дедовци кои им помагаат на своите внуци да пораснат и созреат.
„Од самото детство баба ми Лоли играше најважна улога на мојот фудбалски пат. Својот сон во добар дел успеав да го остварам благодарение на љубовта и нежноста со кои секогаш ме поддржуваше“, раскажа во една прилика Фермин Лопез, ѕвездата на Барселона, лидерот во шпанска Ла Лига.
БАБА МУ ПЛАЧЕЛА ПОРАДИ ПОВРЕДАТА НА ФЕРМИН ПРЕД СВЕТСКО
Фермин е многу поврзан со родниот крај. Во декември 2023-та тој за Onda Cero раскажал дека во Барселона му фали мирот на Ел Кампиљо и домашната готвена храна. А кога новинарот го прашал што барал од баба му да му спрема кога доаѓа за Божиќните празници, тој одговорил како од топ: „Леќата на баба ми!“
Qué vídeo tan bonito Fermín López en su casa, con sus abuelos y comiendo “el mejor plato del mundo”, hecho por su abuela a la que escucha dándole los mejores consejos de su vida https://t.co/FqXFlEvWyQ
— Víctor Navarro (@victor_nahe) October 27, 2024
