Индијана Пејсерс првпат во серијава играше на домашен паркет по 2 гостувања каде направија еден брејк и сега по триумфот дома пред свои навивачи, водат 2-1 во серијата и се на два чекори од историска шампионска титула.
Пејсерс ја забележаа првата победа на домашен терен во големо финале после цели 25 години!
Интересно клупата за резерви ја однесе победата за Индијана а тренерот Рик Карлајл искусно и мудро користеше многу играчи во ротација како што прави во текот на целото доигрување за титула.
Резервните кошаркари на Пејсерс постигнаа дури 49 од 116 поени на екипата и имаа огромен удел во триумфот. Кај Оклахома Сити Тандер резервистите уфрлија само 8 поени.
Прв стрелец кај домаќините беше Бенедикт Матурин кој блесна со 27 поени а тука беше и Ти-Џеј Меконел кој заврши огромна работа со 10 поени, пет асистенции и пет скока кога се кршеше резултатот. Стандардно одличен Тајрис Халибуртон со 22 поени, 9 скока и 11 асистенции.
МВП-то на финалето на Истокот Паскал Сијакам беше трет стрелец на тимот со 21 поен. Кај поразените „громови“ Џејлен Вилијамс уфрли 26 поени, Шеј Гилџес-Александер додаде 24 (9/20 од игра, 1/3 за три) а Чет Холмгрен стигна до 20 поени (ги промаши 6/6 обиди за три).
HALIBURTON DOES IT ALL FOR INDY!
— NBA (@NBA) June 12, 2025
🏎️ 22 PTS
🏎️ 11 AST
🏎️ 9 REB
🏎️ 2 STL
🏎️ 4 3PM
Guides the @Pacers to a 2-1 series lead in the #NBAFinals presented by @YouTubeTV. pic.twitter.com/triaern6Ru
Вкупно Оклахома уфрли 10 тројки а Пејсерси 9.
Гостите водеа до крајот од третиот период кога имаа +5 поени разлика но во последната четвртина носени од преполната сала, кошаркарите на Индијана Пејсерс направија пресврт и со атрактивни поени го добија последниот период а и мечот.
THE PACERS WIN THE FIRST FINALS GAME IN INDY IN 25 YEARS 🚨🚨
— NBA (@NBA) June 12, 2025
THEY TAKE A 2-1 SERIES LEAD!! pic.twitter.com/1kV5TuzNKl
Следниот натпревар се игра пак во Индијанаполис.
