Нов голем гест на Рафа Надал за Новак

Големиот шампион кој има 22 Гренд слем трофеи од кои дури 14 на Ролан Гарос со што е прогласен за крал на овој турнир, беше меѓу првите кои му честита на Новак Ѓоковиќ за рекордниот 23. Гренд слем по триумфот во Булоњска шума во Париз. Сега пак му честитал на еден настан во Шпанија.

Рафа Надал имал обраќање пред матурантите во неговата тениска академија и повторно му честитал на Ѓоковиќ.

„Новак ова е за тебе“:

„За крај, пред неколку дена заврши Ролан Гарос. На прво место сакам да му честитам на Новак Ѓоковиќ за тоа што оствари нешто што никогаш не беше остварено во машкиот тенис. Стигна до 23. Грен Слем титула, тоа се бројки кои пред неколку години изгледаа невозможни за достигнување. Тој успеа и затоа големи честитки до Новак, лично од мене, но и од целата Академија. Оствари нешто што е многу тешко во спорт кој е максимално компетитивен“, изјави Надал.