- Барези почина на 66-годишна возраст, а во август 2025 година имаше операција за отстранување на белодробен нодул. Последно јавно појавување му беше на стадионот Сан Сиро на церемонијата на отворање на Зимските олимписки игри во февруари.
- Барези ја помина целата своја 20-годишна играчка кариера во Милан (1977 - 1997), и беше сметан за еден од најголемите дефанзивци во историјата на фудбалот. Беше капитен 15 сезони, имаше 719 настапи и 33 гола, освои 6 титули во Серија А и три ЛШ.
- Имаше 81 настап за Италија и беше дел од тимот што го освои Светското првенство во 1982 година. Играше во финалето во 1994 година, кое Италија го загуби од Бразил.
- Во 2020 година, Барези стана почесен потпретседател на Милан, а четири години подоцна клубот го повлече од употреба неговиот дрес со број 6.
- „Примерот и интегритетот на поранешниот капитен засекогаш ќе бидат врежани во ДНК-та на клубот“, напишаа од Милан.
- Предводниците на Шкендија уште еднаш го допреа дното, откако со срамна фотографија го најавија дербито со Вардар, закажано за в сабота во Гостивар, преку која го навредија противникот, ФФМ, но пред сè сите христијани во Македонија.
- Според теолозите, ваквата презентација на светиот христијански симбол е огромна навреда, особено кога доаѓа од претставници на друга религија.
- Објавувањето на превртен крст со цел да се навреди христијанството е строго забрането според самото исламско учење. Но, навредувачите од тетовскиот тим не знаат дека со ваквото омаловажување на крстот како верски симбол истовремено направиле и грев во својата исламска вера, пишува Спорт1.
- Селекторот на македонската репрезентација, Кирил Лазаров, го објави поширокиот список од 35 ракометари кои ќе конкурираат за настап на почетокот од квалификациите за Европското првенство во 2028 година.
- Од оваа група, стручниот штаб дополнително ќе избере 16 ракометари кои ќе ги одиграат двата воведни натпревари. Првиот квалификациски дуел е закажан за 4 ноември (19 часот), кога Македонија ќе го пречека Луксембург, додека четири дена подоцна (8 ноември во 16 часот) нашиот национален тим ќе гостува кај Грција во градот Халкида.
- Прв повик доби натурализираниот Украинец, кој настапува за Пик Сегед Дмитро Хориха, како и Мартин Томовски кој брани одлично за Битигхајм. Сите други ракометари се од домашното првенство.
