Offside › Набрзинка

Ванчо Балевски го прати, а Матеј Гаштаров е бисер во рудникот на Црвена звезда

24 август 2026

Матеј Гаштаров (19) дошол случајно во Црвена звезда, на проба кај младинците. А би можел да стане еден од првите бонуси на тренерот Алберт Риера, пишува новинарот на Моцарт Спорт Дарјан Недељковиќ, добро упатен во случувањата на „Маракана“.
„Мошне занимлива приказната е врзана за доаѓањето на високиот фудбалер од среден ред во Црвена звезда. Луѓето од ул. „Љутица Богдан“ добиле повик од Ванчо Балевски, познат менаџер од Македонија. Искусниот фудбалски работник ги убедил луѓето од младинската школа дека треба да го земат Гаштаров на проба и „дека во ДНК-то на Црвена звезда е да има Македонец во своите редови“.
Дошол Гаштаров на проба и од голем број клинци од разни краишта единствен останал. Играл на почетокот за кадетите на Црвена зввезда а клучна шанса му дал тренерот Ненад Милијаш. Гаштаров играше и во младинската Лига на шампиони против младинците на Барселона и Штутгарт.

*******************************************************************

Најдоски и Панчев му посакаа среќа на големиот талент Гаштаров

Како Матеј Гаштаров спаси чист гол и доби висока оценка

Риера: Ако некој треба да пофалам, тоа е Гаштаров кој одржа мастерклас

Македонски бисери во прв тим на Црвена звезда, едниот дебитираше

извор

Скијачка ју легенда на 70 години направи свадба без гости

14 септември 2026

Словенечки скијач Бојан Крижај се ожени со својата долгогодишна партнерка, Шпела Жле. Двојката си кажала „да“ во саботата во Љубљанскиот замок, а церемонијата ја водел градоначалникот на Љубљана, Зоран Јанковиќ, пренесува „Журнал24“.
Венчавката била прилично необична бидејќи се венчале во друштво на нивните пријатели Алеш Пелхан и Нина Макуц.
Пелхан е поранешен координатор за нордиски дисциплини во Словенечката скијачка федерација, додека Макуц работи во Словенечката антидопинг организација. Немало други гости, туку меѓусебно си биле сведоци.
Крижај е едно од најголемите имиња во словенечкото, а претходно и југословенското алпско скијање со најголеми успеси во 80-тите години, особено во слаломот.

извор

Син му на Малдини позитивен на алкохол и наркотици

14 септември 2026

Даниел Малдини кој ја продолжи фудбалската семејна традиција и после дедо му Чезаре кој беше легендарен фудбалер, тренер и селектор на Италија, и татко му Паоло кој повеќе од 2 децении беше славен капитен на Милан, сега се соочува со проблеми.
Фудбалерот од среден ред кој играше за Милан, Монца и Лацио а сега е во Каљари, во саботата постигна убав гол против Аталанта, но вечерта меѓу сабота и недела доживеал сообраќајна незгода.
Тој возел во алкохолизирана состојба, а веќе му е одземена и возачката дозвола. Даниел Малдини на враќање од ноќен клуб се судрил со автомобил кој му одел од лева страна, откако фудбалерот не го пропуштил возилото кое во моментот имало првенство на минување. Во незгодата учествувале шест лица.
Се шпекулираше дека новиот италијански селектор, Роберто Манчини ќе го повика Малдини на списокот репрезентативци за Лига на Нации но сега шансите за такво нешто се многу мали.

извор