Летово тренерот на првиот тим Дејан Станковиќ го прекомандува во прв тим а на подготовките се истакнал одлично. Црвено-белите веднаш му понудиле договор до јуни 2029-та година, потпишал а му честитаа двете големи македонски легенди Дарко Панчев и Илија Најдоски.
Гаштаров минатата сезона одиграл 37 натпревари за младинскиот состав на белградскиот клуб и постигнал 10 гола. Настапуваше и во младинската УЕФА Лига на шампиони.
Европските шампиони со Црвена звезда од 1991. година Панчев и Најдоски му посакаа на младиот Матеј Гаштаров големи успеси во кариерата:
Zvezdine legende i članovi zlatne generacije našeg kluba Darko Pančev i Ilija Najdoski prvi su čestitali makedonskom reprezentativcu Mateju Gaštarovu na potpisu ugovora sa Crvenom zvezdom. Kakva čast za mladog veznog fudbalera! 🤩
— FK Crvena zvezda (@crvenazvezdafk) July 9, 2026
🔴⚪️ #fkcz pic.twitter.com/RqKgTh14S4
„Пресреќен сум, го чекав овој момент и долго сонував за него. Пред три години ја гледав Звезда на телевизија и одев на стадион а сега играм за Црвена звезда. Навистина сум пресреќен. Феноменално е во првиот тим, тоа се врвни играчи и се е организирано на највисоко ниво, навистина сум пресреќен поради тоа. Одработивме еден дел од подготовките многу добро, а сега одиме во Русија каде продолжуваме максимално да се спремаме за се она што не очекува во новата сезона“.
Во однос на целите за следниот период, Гаштаров за клупската телевизија на црвено-белите вели:
„Најголема желба ми е низ квалитетна работа да се наметнам и да играм за првиот тим на Звезда на официјални натпревари. Секако многу ми значи и тоа правило за бонус зошто е многу полесно кога си во таа категорија и навистина сум возбуден поради се што следи“, рекол Гаштаров.
Црвено-белите во сабота патуваат во Санкт Петербург каде традиционално ќе одиграат пријателски натпревар против рускиот шампион Зенит.
