- Новиот тренер на Црвена звезда Алберт Риера е права шок терапија за екипата на црвено-белите. Тој дојде пред повеќе од една недела и во само неколку дена тимот кој испадна од Хапоел Бер Шева во квалификации за Лига на шампиони, успеа да се крене и со 3-0 да ја победи чешка Викторија Плзењ во бараж за Лига Европа.
- Во првенството Црвена звезда синоќа со 4-0 го совлада Чукарички. Шанса добија фудбалерите кои помалку играа изминатиов период. Сите до еден ја искористија шансата, а еден од најдобрите на теренот беше 19-годишниот Македонец Матеј Гаштаров.
- „За мене Гаштаров одржа вистински мастерклас. Веројатно внимателно гледал како Круниќ игра на таа позиција, како се брани како стопер и како прави вишок во средината како „шестка“. Ако на некој треба посебно да му честитам, тоа е Гаштаров. Младите играчи многу брзо ги сфаќаат идеите и тоа ме чини исклучително среќен“, рече Риера.
- Гаштаров е фудбалер кој од младинците на Црвена звезда беше прекомандуван во првиот тим летово и потпиша професионален договор. Роден е во Скопје. Досега играше за сите младинските репрезентативни категории а наскоро скоро сигурно ќе дебитира и за А тимот на Македонија кај селекторот Седлоски.
- Гаштаров игра како последен играч за врска, како спона меѓу одбраната и средниот ред. Висок е, јак на топка, одлично игра со двете нозе, а со 19 години веќе го собира потребното искуство.
- 33-годишниот Златко Трипиќ кој е роден во Ријека но од '90-те години со неговите се преселил во Норвешка, целата своја кариера ја поминува во Скандинавија, со мали излети во Гројтер Фурт во Германија и Ѓезтепе во Турција.
- Тој е најзаслужен што Викинг влезе во Лига на шампиони затоа што даде гол против Динамо Загреб во плејофот за пласман во елитното друштво и ги исфрли „модрите“ со неколку асистенции во двата натпревари.
- Против Баерн Минхен синоќа намести два гола и го „намести“ Мајкл Олисе да добие црвен картон зошто Французинот испровоциран го удри со топка во лице откако веќе секунда претходно доби прв жолт картон.
- „Трипиќ играше како расипник! Сакаше да победи по секоја цена, наседнавме на неговите провокации и за жал го доби тоа што го сакаше. Дали клубот ќе го казни Олисе? Ќе видиме, ќе разговараме кога ќе се оладат главите“, вели Макс Еберл спортскиот директор на Баерн Минхен.
- А Хари Кејн за Трипиќ рекол „дека е лукав играч кој сака да се влечка по теренот и да троши време“.
- „Така кажал? Супер! И тој е неверојатен во сето тоа и знае колку лукавство е потребно. Успеавме да му влеземе под кожа на Олисе. Кога го исклучија повеќето играчи на Баерн почнаа да ми викаат и да ми пцујат се по список. После сè што се случи не се усудив да влезам во нивната соблекувална да побарам дрес. Сјајно е што таков играч кој еден ден сигурно ќе ја освои Златната топка, се нервира поради дечко од Офтебро и Лингдал“, вели Златко Трипиќ кој се гордее како ги навлекол и провоцирал Баварците.
- Женската фудбалска репрезентација на Македонија до 19 години, го совлада Косово на гости со 3:1 на контролен натпревар.
- Избраничките на селекторот Кирил Изов поведоа со голот на Меланија Грозданова во 5 минута, а на 3 минути пред крајот на првиот дел Олса Мачастена израмни на 1:1.
- На стартот од вториот дел Теона Галабовска и донесе предност на Македонија од 2:1, а конечните 3:1 ги постави Грозданова со погодокот во 89. минута од натпреварот.
