Матеј Гаштаров е името кое се врти низ регионалните медиуми откако синоќа на само 18 години дебитираше за Црвена звезда која е на прагот на уште една групна фаза од Лига на шампиони или најмалку Лига Европа, деветта европска група во последните десетина години.
Гаштаров игра како организатор на игра, а одлично се сноаѓа зад напаѓачите и како крилен напаѓач. Гаштаров игра за Македонија У-19, а беше дел од првиот тим на Звезда и на дуелот против ОФК Београд во рамки на 1/8 финале на Купот на Србија минатата сезона кога црвено-белите славеа 5:3.
Тој синоќа доби шанса во финишот на мечот кога влезе од клупата за резерви.
„Чувството по дебито е неверојатно! За ова сонував уште како дете и сега го доживеав тоа. Им благодарам на сите, посебно на стручниот штаб и се надевам сека наскоро пак ќе добијам нова шанса да се докажам“, рекол младиот Матеј Гаштаров.
Тој потекнува од фудбалската школа на Вардар а во Црвена звезда потпиша во 2024-та година. Важи за еден од најголемите таленти во регионот.
Покрај него, на клупата за резерви синоќа беше и младиот 17-годишен Горазд Ристовски, дефанзивец кој може да покрива лев бек и стоперска позиција. Се очекува наскоро и Ристовски да добие шанса кај тренерот Милојевиќ.
