- Македонскиот селектор Благоја Милевски повика 28 фудбалери за претстојните четири јунски натпревари во третата сезона од Лигата на нации.
- Дебитанти се поранешните младински репрезентативци Енис Фазлагиќ од Висла Краков, Томче Гроздановски од Злате Моравче и Бојан Димовски од Академија Пандев, а кам бек прават голманот Дејан Илиев од Тренчин и Ѓоко Зајков од Славија Софија, кои не беа повикани на минатиот собир за мундијалските баражи.
- На списокот ги нема Аријан Адеми и Адис Јаховиќ кои се поштедени поради зачестените повреди и напорната сезона, како и Тихомир Костадинов, кој имаше тешка операција. Илија Несторовски повторно не доби повик.
- Македонија има турбо распоред. На 2 и 5 јуни гостува во Бугарија и Гибралтар, а на 9 и 12 јуни ги пречекува Грузија и Гибралтар.
- Американската јавност е изненадена со одлуката на Итан Томпсон да ја напушти Индијана Пејсерс каде минатата сезона одигра 32 натпревари и во просек имаше по 7 поени. Минатата сезона му беше прва во НБА на Итан Томпсон а претходно настапуваше за развојните клубови на Чикаго Булс, Орландо Меџик и Мајами Хит во Г-развојната лига.
- Партизан договорил соработка со 27-годишниот бек а во црно-белиот дрес ќе им се придружи на Карлик Џонс и некогашниот кошаркар на Кливленд Кавалирс Ламар Стивенс.
- „Парите во Србија можеби се добри, но дали е Србија Индијана? Немојте да одговарате на тоа прашање. Иако е уште под договор со Индијана Пејсерс, Итан Томпсон намерува да потпише договор со српскиот клуб. Томпсон во моментов има „двонасочен“ договор со Индијана но по сè изгледа ќе бара раскин со цел кариерата да ја продолжи во Европа“, вели новинарот Тило Вајдер.
- Со натпреварот Вулверхемптон - Блекбурн (21:00) вечерва почнува новата сезона во најсилната и најбогатата втора лига на светот - англиски Чемпионшип.
- Од Премиер лига во Чемпионшип испаднаа Вест Хем, Барнли и Вулверхемптон кои ќе пробаат експресно да се вратат. Од Лига 1 (трета лига) во втора влегоа Линколн Сити, Кардиф и Болтон а во трета лига од Чемпионшип испаднаа Оксфорд, Лестер и Шефилд Венздеј. Во Премиер лига се пласираа Ковентри и Ипсвич како прв и втор и Хал кој стигна до огромен успех преку баражот.
- Стадионот на Вест Хем може да прими најмногу гледачи во најбогатата втора лига на свет, точно 62.500. „Риверсајд“ на Мидлзброу собира 34.712 гледачи а најмало стадионче има Рексам со 10.771 седечки места.
- Ова ќе биде 35-та сезона како што ќе се игра во формат од 24 екипи во 46 кола. Новост е повеќе клубови во баражот.
- Суштински, ќе се игра како и досега: првиот и вториот на крајот ќе одат директно во Премиер лига. Во баражот досега играа третиот, четвртиот, петиот и шестиот тим на табела кои се бореа преку полуфинале и финале а сега на таа група ќе им се придружат и екипите на седмо и осмо место.
- Третиот и четвртиот на крајот ќе играат во полуфинале на бараж, петтиот ќе игра против осмиот, а шестиот со седмиот и победниците од тие два меча ќе играат против победникот од третиот и четвртиот тим на табела во полуфинале.
