- Тренерот на ФК Кожуф, Славчо Георгиевски и техничкиот директор, добија забрана за вршење на функција во фудбалот во времетраење од 2 години, поради светскиот срам на мечот Кожуф – Башкими. Постапки се водат и против друи лица.
- Суспендиран на 1 година е Кирил Стојков од Кожуф поради обид за физички напад на судија, но на друг натпреварот, а тоа е против Новаци.
- ФФМ соопшти дека од фудбалската организација доживотно се исклучени претседателот на ОФС Охрид, Цане Милошески и Никола Цветкоски, кој е секретар на клубот.
- Причината за тоа е што фалсификувале записници за натпревари кои не се одиграни, измислиле комплетна „Б“ општинска лига во рамки на ОФС Охрид, односно натпреварување кое не постои, па дури и имале заведено починато лице во записниците.
- Најдобриот македонски атлетичар Дарио Ивановски направи фантастичен успех и уште еднаш покажа дека е во врвна форма откако на големиот маратон во Белград заврши како второпласиран со време од 2:09:35. Дарио не постави свој личен рекорд но ова е фантастичен резултат ако се земе предвид големата конкуренција на српскиот маратон.
- Прв на Белградскиот маратон заврши Гемсиса Гада од Етиопија со рекорд на патеката од 2:08:08. Третото место го освои Кениецот Јохана Ерот кој после долго водство на патеката заостанал во последните пет километри и трката ја завршил со 02:09:55.
- Дарио Ивановски имаше одличен втор дел од трката каде од четвртото место успеа да стигне до втора позиција. Годинава белградскиот маратон кој е еден од најголемите во Европа, имаше изменета траса. Белград ќе биде и домаќин на Европското првенство во трчање во 2027-ма година, а Белградскиот маратон оваа година беше во изменет формат односно полумаратонот и трката на 10 километри се одржаа ден порано, во саботата, пред главниот настан маратонот во неделата. Оваа манифестација послужила како генерална броба пред Европското првенство.
- Ивановски е олимписки стипендист на Македонскиот олимписки комитет.
- Фудбалскиот судија Хавиер Ортега (48) бил убиен на терен за време на аматерски натпревар одигран во Пасахе, Еквадор.
- Играчите и навивачите вриштеле и барале да се засолнат, а судијата починал на лице место.
- Вооружените лица веднаш избегале и сè уште се на слобода.
- Во декември лани, еквадорскиот репрезентативец Марио Пинеда беше убиен во пукотница, а неговата мајка ранета додека излегувала од месарница во населбата Саманес во Гвајакил. Двајца осомничени мажи беа уапсени.
