Offside › Набрзинка

Стојоски ќе ја претставува Македонија на Светското атлетско првенство во сала

12 март 2026

Македонскиот атлетичар Јован Стојоски ќе биде наш единствен претставник на претстојното Светското првенство во сала, кое ќе се одржи од 20 до 22 март во Торун, Полска. Стојоски ќе настапи во дисциплината 400 метри, во која оваа сезона оствари одлични резултати во сала, потврдувајќи ја својата добра форма и подготвеност за настап на најголемата светска сцена.
Неговиот настап е закажан на 20 март во 12:00 часот.

12 март 2026

Новак Ѓоковиќ го заврши својот настап во Индијан Велс откако ноќеска загуби од Џек Дрејпер во осминафиналето со 1-2 (6-4, 4-6, 6-7).
24-годишниот Англичанец кој е бранител, патот до одбраната трофејот ќе го продолжи против Даниил Медведев.
Ѓоковиќ пет пати го има освоено Индина Велс, но од 2016 година само еднаш успеа да стигне подалеку од четвртото коло.

11 март 2026

Во пресрет на кошаркарскиот натпревар од 18-тото коло на МТЕЛ Суперлигата, Работнички го одбележува историскиот јубилеј од славното минато: Педесет години од полуфиналните средби, во Купот на победниците на куповите.
Се работи за натпревари помеѓу Работнички и Цинцано од Милано (сегашниот италијански евролигаш Олимпија Милано) одиграни во сезоната 1975/76. На 25 февруари 1976 година во Арената “Адеко“ во Милано победи домаќинот Цинцано (90-67), а на 3 март во салата „Градски Парк“ во Скопје победи Работнички со 104-89.
Две недели подоцна, на 17 март 1976 година, во финалето Милано го победи Турс од Франција (88-83). Вредно е да се напомене дека два месеци претходно, финалистот Турс загуби од Работнички во Скопје (90-107).