- Генералниот секретар на фудбалскиот сојуз на Србија (ФСС) Бранко Радујко во денешно обраќање до медиумите изјавил дека Драган Стојковиќ Пикси ќе остане селектор сигурно до мечот со Албанија а за потоа ќе решаваат.
- Притоа српскиот фудбалски сојуз интензивно барал од УЕФА ако може натпреварот со Албанија закажан за 11-ти октомври да се игра во Лесковац наместо во Белград.
- На претходниот дуел против Англија во Белград кој Англичаните го добија убедливо 0:5, имаше политички тензии, скандирања и инциденти меѓу навивачите на Србија. Од таа причина ФСС со цел да избегне повторно такви сцени, бара дуелот од висок ризик да се игра на стадионот „Дубочица“ во Лесковац кој собира 8.000 гледачи.
- „Репрезентацијата таму (во Лесковац) секогаш е дочекувана со безрезервна поддршка што не е секогаш случај во Белград, иако самите играчи немаа проблем како селекторот и навивачите“, рекол Бранко Радујко.
- Четириесет и четири годишниот тренер на Раднички Крагујевац Младен Жижовиќ синоќа паднал покрај аут-линијата за време на првиот дел од натпреварот Младост Лучани - Раднички Крагујевац. Веднаш интервенирало возилото за Брза помош, но набрзо стигнала информација дека Жижовиќ починал.
- Натпреварот веднаш бил прекинат, а играчите попаѓале на терен и плачеле.
- Младен Жижовиќ бил роден на 27. декември 1980 година во Босна и Херцеговина. Играл за бројни клубови во БиХ а со тренерска кариера почнал во 2017-та во клубот Радник од Бијељина. Беше тренер уште и на Зрињски, Слобода Тузла, Ал Колод во Саудиска Арабија, Шкупи во Македонија (од 9 септември 2023 година до 18 април 2024 година, 21 натпревар, 13 победи, 6 нерешени резултати и само 2 порази) и во Борац Бањалука.
- Шведскиот малку познат клуб Мјелби е најголем хит во европскиот фудбал откако пред неколку недели ја освои шампионската титула во оваа земја, во која фудбалската сезона има поинаков календар од другите земји.
- Даниел Ивановски, некогашниот репрезентативец на Македонија е роден во Македонска Каменица пред 42 години. Тој играше во својот матичен клуб во родниот град, па потоа во кратовски Силекс и стигна до Вардар.
- Ивановски кој играше во одбраната имаше понуди и од Динамо Загреб каде ги завршил сите медицински прегледи но поради разни околности и сплеткарења во управата, трансферот му пропаднал.
- Тој подоцна отиде во Мјелби кој во тоа време бил второлигаш и никој ниту на сон не мислел дека еден ден ќе стане шампион во силната Алсвенска лига. Даниел Ивановски играл со Мјелби и во втора и во трета лига и со 150 настапи е права легенда на клубот.
