- Симпатичниот ТФТ со харизматичниот тренер Боро Смилевски од скопската населба Тафталиџе, прерасна во сериозен клуб кој се бори за трофеи во домашното првенство и Куп од година во година.
- ТФТ Скопје сензационално се пласираше и во големото финале на АБА 2, Јадранската лига каде вечерва ќе игра против Широки Бријег од 20:30 часот на гостински терен.
- Реваншот е во Скопје следната среда од 19:00 часот а финалната серија се игра на две победи. Евентуална мајсторка ќе се игра во Широки Бријег на 6-ти мај (среда) од 20.00 часот.
- Еурофарм Пелистер ќе назначи нов тренер, откако актуелниот предводник Стевче Алушoвски си поднесе оставка по елиминацијата од Купот на Македонија.
- Освен во Купот, за битолчани завршија обврските и во Европа, а во првенството се речиси без шанси за титулата, бидејќи Вардар има голема предност на лидерското место.
- Привремен тренер на Еурофарм Пелистер до крајот на сезоната ќе биде Алексо Лембанов.
- Најтрофејниот македонски фудбалски клуб Вардар и официјално поднесе иницијатива за Јужната трибина на Националната арена „Тодор Проески“, да го носи името на легендата Васил Рингов кој почина пред крајот на 2025 година. Во документ доставен до Владата, Премиерот Христијан Мицкоски, Министерот за спорт Борко Ристовски, МОК и Даниел Димевски, како и надлежните за стадионот, се бара да се оддаде почит на легендата.
- Васил Рингов важи за еден од најдобрите играчи во историјата на македонскиот фудбал. Дебитирал во Беласица со неполни 17 години во пролетта 1972 година и имал таа пролет 12 меча и 1 гол. Во следната сезона (1972/73) е најдобриот играч и прв стрелец на Беласица со 15 гола на 32 мечеви. Заедно со Истатов, летото 1973 година преоѓаат во Партизан, каде останува две дезони. Потоа се враќа во второлигашот Тетекс (1975-77), каде настапува во Втората југословенска лига - Исток.
- Летото 1977 година минува во Вардар, каде станува еден од најдобрите играчи на сите времиња и најдобар стрелец на тимот со 97 голови. Во првите пет сезони во Вардар е најдобар стрелец, секогаш со двоцифрен број на голови. Во 1983 година го облече дресот на Динамо Загреб, потоа се враќа пак во Вардар и со Дарко Панчев го формираат еден од најдобрите тандеми на Вардар во историјата. Кратко настапуваше и за Ајнтрахт Брауншвајг. Во сезоната 1986/87 се врати во Вардар, играше неколку натпревари, иако повреден, и даде придонесе во освојувањето на шампионската титула, прва во историјата во југословенската Прва лига.
