- И покрај тоа што не се очекуваше поинаку, Кристијано Роналдо сепак потврди дека Мундијалот во САД, Канада и Мексико, ќе му биде последен.
- Португалецот на 5 февруари ќе наполни 41 година, а во јуни ќе стигне до рекорден шести Мундијал. Играше во Германија 2006, Јужна Африка 2010, Бразил 2014, Русија 2018 и Катар 2022.
- Во интервју на Туриз Самит во Ријад, го најави и целосното повлекување од фудбалот, за една до две години.
- „Да бидеме искрени, кога мислам наскоро, веројатно ќе играм уште една или две години“, вели човекот со 953 гола за клуб и репрезентација.
- Отпочнување на изградбата на две нови спортски сали и реконструкција на спортската сала во комплексот на Универзитетот „Св. Кирил и Методиј“ во Скопје се три големи проекти што ќе ги спроведе Министерството за спорт до крајот на годината, најави министерот Борко Ристовски на гостување во емисијата „Студио 10“ на ТВ 24.
- До крајот на годината Министерството за спорт ќе ги постави темелите и ќе почне со изградбата и на нова спортска сала во населба Аеродром (кај ФФМ) во Скопје и на нова спортска сала во Крушево со која градот во иднина треба да прерасне во регионален спортски центар за подготовки.
- „Реконструкцијата на спортската сала во комплексот на УКИМ е многу важна и за образованието и за спортот, бидејќи оваа сала веќе десетина години стои неупотреблива, како вистинска руина. По комплетната реконструција на салата, над 4.000 студенти ќе може да се бават со спорт и да ги реализираат часовите по физичко образование во современ и безбеден спортски објект“, рече Ристовски.
- Жозе Мурињо не им остави баш убави спомени на навивачите на Фенербахче, па и на самиот клуб, кој нема воопшто да се израдува кога ќе го чуе ова.
- Според пишувања на весникот Yeniçag Gazetesi, Португалецот за 16 месеци престој во Турција, наводно оставил сметка од 36,5 милиони лири или скоро 750.000 евра.
- Тој престојувал во еден од најлуксузните апартмани во хотелот Фор Сизон во Истанбул.
- Инаку Мурињо беше отпуштен во август, откако беше елиминиран од Бенфика во плејофот од ЛШ, која патем сега ја води, а за раскинот на договорот до 2026-та, ќе добие надомест од 15 милиони евра.
