Фото: Epa images
- Триесет и девет годишниот Кристијано Роналдо пред неколку дена изјави дека саудијската лига е сериозно силна, дека е тешко да се спринта на 37, 38, 39 Степени и дека е подобра лига од француската.
- Во истото интервју тој споменал и дека во лигата се силните Ал Хилал и Ал Итихад, па неговиот Ал Наср ќе мора многу да запне ако сака да стигне до титулата. „Каде и да сум играл во која било лига, секаде сум освојувал шампионски титули. Се надевам така ќе биде и сега“, рекол Роналдо а во меѓувреме се споменува негов трансфер во саудиски Ал Хилал како замена за Бразилецот Нејмар кој сака да се врати во татковината Бразил.
- После 13 одиграни кола во саудијската Про лига, Ал Итихад е прв со 36 бода, Ал Хилал е втор со 34, а Ал Наср на Роналдо 4-ти со 25 бода.
- Дисциплинската комисија на ФФМ го казни Муамед Сејдини за вршење на функција во траење од две години поради „измама и доведување во заблуда орган на фудбалска организација“.
- „Утврдено е дека Одборот за итност на ФФМ на 27.11.2024 година донел одлука за прифаќање на понуда од ДПТУ ЕНЕРГОИНВЕСТ ТРЕЈД ДОО Скопје, за изградба на трибина на стадионот „Билјанини Извори“ во Охрид, во износ од 202.919.610,00 денари без ДДВ, без услов за авансно плаќање, и го овластил тогашниот претседател Муамед Сејдини да потпише договор согласно прифатената понуда“.
- „Злоупотребувајќи ја својата положба, потпишал договор со вметнат услов за авансно плаќање од 20%, кој не бил дел од прифатената понуда, при што авансот бил исплатен без обезбедена банкарска гаранција и без соодветно овластување“, стои во дел од соопштението на ФФМ.
- Зимските олимписки игри за првпат се организираат во два града, во италијанските Милано и Кортина. Церемонијата на свечено отворање започнува вечерва од 20 часот а ќе се одржи на легендарниот стадион „Сан Сиро“ во Милано.
- На отворањето ќе настапат светски познати ѕвезди како Андреа Бочели, Мараја Кери, Лаура Паузини, Мадона и други.
- Златниот медал ќе тежи 506 грама од кои 500 грама е сребро а остатокот злато и ќе биде најскапиот медал за едни Зимски олимписки игри. Ќе се подели на најдобрите натпреварувачи во 16 дисциплини (8 спортови).
