- Легендарниот 73-годишен италијански тренер Клаудио Раниери, после пет години се враќа во својот роден град Рим, ќе го води својот најсакан клуб Рома. По трет пат, во трет мандат се враќа на клупата на „римската волчица“.
- Раниери во кариерата водеше 20-ина клубови. Каљари, Наполи, Фиорентина, Валенсија, Ателтико Мадрид, Челси, Парма, Јувентус, Рома, Интер, Монако, па беше селектор на Грција, најголем успех имаше со Лестер Сити со кој сензационално ја освои титулата во Премиер лига. Седеше уште на клупата на Нант, Фулам, Сампдорија, Ватфорд.
- Раниери својот прв најголем тренерски успех го имаше во сезоната 1988/1989 кога го внесе Каљари од трета во втора па во прва лига. Освои и Куп на Италија со Фиорентина во 1995/1996, со Валенсија има Куп на Кралот во 1998/1999, има Интертото трофеј во 1998 и УЕФА Супер Куп во 2004. Во 2016 беше избран за најдобар тренер на сезоната во Премиер лига по чудесната бајковита титула со Лестер на Марез и Варди.
- Претседателот на Ракометната федерација на Словенија, Бор Розман, најави дека неговата земја заедно со Македонија и со Србија се во преговори за поднесување заедничка кандидатура за организирање на Европското првенство 2034 година.
- Според првичните најави, Македонија би била домаќин на група во првата фаза, како и на натпреварите од вториот сегмент.
- Словенците би организирале натпревари од двете фази, како и од полуфиналето, додека во Србија би се играла завршницата на шампионатот поради капацитетот на салата.
- Македонија досега беше домаќин на женско ЕП 2008 самостојно и заеднички со Црна Гора и Словенија на ЕП 2022.
- Новото раководство на КФМ го промовираше Марјан Илиевски за нов предводник на македонската кошаркарска репрезентација, кој доаѓа како наследник на Александар Јончевски.
- Илиевски беше тренер на Пелистер, Сигал Приштина, Блокотехна, АВ Охрид, Кожув и Лирија. Помошници ќе му бидат Боби Митев, Борче Даскаловски и Мирко Петрески.
- Прва задача му се претквалификациите за СП 2027 година, каде Македонија е во група со Унгарија и Романија, мечеви кои ќе се играат во август.
- Договорот е на четири години и тој е вкупно 15-ти селектор на македонската кошаркарска репрезентација.
