- Шпанска Марка пишува дека Реал Мадрид на 25-ти мај ќе заврши една од најуспешните етапи во историјата на клубот, онаа со Карло Анчелоти кој им донесе 3 пехари во Лига на шампиони, 3 трофеи од Светско клупско првенство, 3 Суперкупа на Европа, 2 шампионски титули во Ла Лига, 2 Кралски Купа и 2 шпански Суперкупа.
- На 25-ти мај и официјално Анчелоти ќе замине од Реал а на негово место доаѓа Чаби Алонсо. Актуелниот тренер на Баер Леверкузен наводно веќе потпишал договор а со него ќе дојдат и други членови на стручниот штаб како што е Алберто Енсинас, кондициониот тренер кој ќе го замени легендарниот Антонио Пинтус кој беше задолжен за физичка подготовка на играчите под Анчелоти и Зидан.
- Први претставени засилувања за Реал со Чаби Алонсо треба да бидат Трент Александар-Арнолд и стоперот Џонатан Та.
- Босанско-херцеговскиот портал СОП.ба пишува а хрватски Вечерњи лист пренесува дека некогашниот алфа&омега на Динамо Загреб кој од „модрите“ направи шампионски хегемон кој долги години владее во Хрватска, сега после долга пауза од фудбалот, планира да се врати.
- Здравко Мамиќ наводно, пишуваат во БиХ, е сериозно заинтересиран за влез во ФК Сараево, еден од потрофејните клубови во Босна и Херцеговина.
- Сараево во моментов е на трето место во првенството на БиХ и држи позиција која води во квалификации за Лига на Конференции. Сараево во својата историја има четири шампионски титули во БиХ и пет Купа. Сезонава се на прагот на шести трофеј во Купот откако во првиот меч од финалето кое се игра со реванш го совладаа Широки Бријег со 4-0.
- Не дека ќе може да ги подигне и двата, но ова со Антони е интересна и уникатна ситуација.
- Бразилецот синоќа испиша историја со Бетис, кој ја елиминираше Фиорентина и за прв пат ќе игра европско финале. Противник во Конференциската лига им е Челси.
- Истовремено Манчестер Јунајтед ќе игра финале во Лига Европа против Тотенхем, клубот за кој тој настапуваше до полусезона и каде се води како нивен член, бидејќи во Бетис е на позајмица.
- А може да остане и без ниту еден трофеј.
