Offside › Набрзинка

Предлог на Вучиќ: „Црвена звезда и Партизан на ист стадион како Интер и Милан“

6 мај 2026

Во Сурчин, предградието на Белград се гради голем, огромен Национален стадион каде ќе треба да игра репрезентацијата. Но претседателот на Србија кој и самиот беше заговорник на овој голем проект, вели дека би било убаво тука домашни натпревари да играат и двата најголеми клуба во Србија.
„Тоа е Национален стадион за кој државата одлучува. Им советувам и на едните и на другите, како Интер и Милан, да се пријават за користење на тој објект. Италијанците својот го нарекоа Сан Сиро или Џузепе Меаца, секој по своја легенда, а играа на ист стадион. Едните се интеристи на северна трибина, а другите миланисти на јужна трибина и тоа е тоа. И едните и другите користеа ист терен. Сега тој стадион ќе го рушат и заеднички ќе градат нов зошто се свесни дека дури и тој стар објект кој е десет пати подобар од нашите, веќе не е доволен за нивото на комфор кој денешните гледачи го бараат“, рекол Вучиќ.
Додал и дека им рекол на челните луѓе на Црвена звезда и на Партизан да се пријават да играат на тој стадион домашни натпревари. Србија заедно со Албанија ќе биде домаќин на Европското првенство У-21 за млади фудбалери следната година.
„Може да имате какви сакате навивачи, ама кој еднаш ќе дојде на Националниот стадион, тешко дека ќе оди на други. Кога зборувам за тоа не можам да ја сокријам насмевката, тоа ќе остане на генерациите кои доаѓаат“, додал претседателот на Србија.

извор

Гибралтар, Сан Марино и Македонија, тие сме

29 јули 2026

На рангирањето на УЕФА, Македонија е во група од седум земји кои моментално останаа само со еден претставник во Европа.
Македонскиот фудбал на клупски план моментно е во ранг со земји како Лихтенштајн, Малта, Гибралтар, Црна Гора, Велс и Сан Марино.
Вардар испадна од Рига, а Силекс од Динамо Минск во квалификациите за Конференциска лига. Само Шкендија уште е во игра на меѓународна сцена. В четврток во Скопје ќе играат реванш дуел против Браво од Словенија, кој има предност од 2:1 од првиот дуел.

извор

Сагата конечно заврши: Италија има нов-стар селектор

28 јули 2026

Легендарниот Роберто Манчини повторно ќе седне на селекторското столче на Италија откако денес се договорил со првиот човек на Фудбалската федерација на оваа земја, Џовани Малаго.
Првично откако Паоло Малдини и Леонардо добија функции во италијанскиот фудбалски сојуз, овие двајца го сакаа Андреа Пирло за нов селектор. Претседателот на федерацијата Малаго категорично го одбил тој предлог после што двајцата после само 16 дена заминале од функцијата зошто „зборот не им вредел“.
За нов технички директор е назначен Клаудио Раниери.
Роберто Манчини за некој ден ќе биде претставен како нов селектор на Италија. Тој веќе ги водеше аѕурите и им донесе европска шампионска титула во 2021 во епското финале против Англија на „Вембли“. Тој беше тренер и на Лацио, Интер, Галатасарај и Зенит а ја водеше и селекцијата на Саудиска Арабија.

извор