Offside › Набрзинка

Поранешен играч на Реал Мадрид: „Пред Ел Класико во соблекувална со пикадо гаѓавме постери од Барса“

28 февруари 2025

Триесет и седум годишниот поранешен холандски фудбалер Ројстон Дренте играше за еден куп клубови ширум Европа, од родниот Феенорд Ротердам преку Реал Мадрид, Евертон, Владикавказ, Ридинг, Казери, до патот назад во Холандија.
Тој во Реал Мадрид беше неколку сезони од 2007 до 2010, доволно да одигра 46 меча и постигне 2 гола. Обично беше на клупа за резерви но беше дел од големите дерби дуели против Барселона.
„Кога бев во Реал, секако, ја мразев Барселона. Ние мадридистите, на недела дена пред Ел класико во соблекувална лепевме постери со играчите на Барса, слики од Меси... И фрлавме во нив пикада“, вели Дренте во опширен разговор во подкастот Вајлд Проџект.

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.