- Јовиќ е роден во Бјелина (БиХ), а најголемиот дел од играчката и тренерската кариера ги помина во Македонија, со која настапи на СП 2009 и ЕП 2012.
- Како ракометар играше за пет македонски шампиони: Јафа Промет, Борец, Вардар, Пелистер и Металург каде и ја заврши играчката кариера.
- Беше член и на Болоња од Италија, Сплит од Хрватска, Апатин од Србија и Слобода Тузла од БиХ.
- Тренерската кариера ја почна во Автокоманда, каде ги водеше Металург и Металург 2, а потоа работеше во Еурофарм Пелистер и Еурофарм Пелистер 2, каде имаше голем успех и ја врати титулата по 18 години, пред да го преземе Пролет.
- Педесет и едно годишниот шпански спортски новинар Алексис Мартин-Тамајо кој во кариерата работеше за Диаро АС, радио Онда Серо и шпанското издание на ЕСПН, сега стои зад светски познатиот профил на Х, МистерЧип.
- Тој често објавува неверојатни статистички податоци и занимливости, а сега последно објави дека Реал Мадрид во последните 4 сезони одиграл дури 12 продолженија во разни натпреварувања (пред се во Лига на шампиони и шпански Куп) и победил на дури 11 од нив!
- Реал играл 4 продолженија во сезоната 2021/2022, 2 продолженија во сезоната 2022/2023, 3 продолженија во 2023/2024 и до моментов 3 продолженија во 2024/2025.
- „Кралскиот клуб“ покажа дека има страшна екипна ментална снага и дека може да победи секого и секаде во пресудни моменти од продолженија или на пенали.
- Фабио Канаваро, на времето најдобар стопер на светот и еден од најдобрите дефанзивци воопшто во фудбалот, не се снаоѓа во тренерска улога. Тој беше тренер во неколку клуба во Италија и во Кина но секаде доби отказ поради слаби резултати.
- Оттаму, чудеше одлуката на управата на Динамо Загреб, најтрофејниот хрватски клуб пред некој месец да го ангажира Канаваро на клупата на „модрите“ кои сезонава сменија дури тројца тренери.
- Сега хрватските медиуми откриваат дека тренерот на Аријан Адеми и Стефан Ристовски по неделниот меч во Вараждин, со приватен авион заминал за Италија каде го чекале снимања за реклами.
- Играчите добиле слободен дел, немале регенерација а Фабио ја напуштил екипата во најлош момент. Динамо Загреб повторно киксираше во хрватската лига каде има 7 нерешени и 7 порази и заостанува 5 бода зад лидерот Хајдук Сплит и 4 бода зад Ријека. До крајот на првенството во Хрватска има уште 8 кола.
