• Дваесет и шест годишниот Норвежанец Каспер Руд, 12-ти на светската тенис ранг листа успешно и лесно го помина првото коло на Отвореното првенство на САД и во 3 сета го победи Офнер од Австрија.
• Руд сега ќе игра против Белгиецот Колињон а во меѓувреме изјави дека му смета тоа што на турнирот во Флешинг Медоус во Њујорк многу мириса на марихуана постојано.
• „Тешко е да се биде на теренот со луѓе кои пушат џоинти. Да се внесува тој мирис на марихуана кога сме изморени не е баш забавно во целост. Јачината на мирис е толку силна на моменти“, рекол Каспер Руд пред новинарите во Њујорк каде од 2021-ва година со закон е регулирани поединци над 21 година да може да користат и поседуваат канабис.
• На силниот мирис на марихуана на овој Гренд Слем во минатото се жалеа и Марија Закари, Александар Зверев и Ник Кирјос.

• Фудбалската кариера на Леарт Абдули заврши уште пред да почне, a татко му заврши во притвор и го чека експресно судење и најверојатно затвор за скршениот нос на младиот фудбалер на Брегалница.
• И сега – вредеше ли дивјачкото однесување на двајцата првоосомничени за тешкиот инцидент на игралиштето „Бело брдо“ во Штип? Испаднаа ли фраери обајцата (и уште неколкумина)? Херои ли се меѓу своите?
• Каков пример им дадоа таткото и синот на сите што тренираат фудбал и што сонуваат дека еден убав, сончев ден ќе заиграат на големата сцена? Дека со насилство може да се оствари целта што не се остварила со умешност, со талент и со фудбалски вештини на теренот?
• Тој што е човек во вистинската смисла на зборот, нема да му падне на ум да крене рака на друго дете, па што и да сторило тоа.

Доживотна суспензија за фудбалерот на Шкупи кој се тепаше

Предложен притвор за напаѓачот на деца во Штип