- После две години молк и прекинување контакт со родната земја, легендарната Јелена Исинбаева стапна во Русија, а причината е смртта на нејзиниот долгогодишен тренер Евгениј Трофимов, под чие водство стигна до врвни успеси во атлетиката.
- По завршувањето на кариерата, Русинката ја нарекуваа „миленичка на Путин“ и беше поврзувана со вооружените сили и Министерството за одбрана, каде стана офицер во руската армија.
- Украинскиот претседател Володимир Зеленски ја стави на списокот на луѓе на кои им е забранет влез во земјата и на кои им е конфискуван целиот имот на украинска територија.
- Исинбаева ги негираше тврдењата за нејзините активности во руската армија, по што се соочи со осуда од руската јавност која набрзина ја прогласи за предавник.
- Во мај 2022 Исинбаева се пресели во Шпанија и така за кратко време стана непријател и во Украина и во Русија.
- Баерн Минхен бележи неверојатен пораст од 400% во онлајн нарачките на дресови од Колумбија, откако Луис Дијаз лани стана нивен играч.
- Колумбија во моментов е најбрзорастечкиот пазар на Баерн и клубот го користи овој огромен маркетиншки потенцијал со крилниот напаѓач, кој е инаку во топ 5 играчи на Баерн во светот во однос на продажбата на дресови оваа сезона.
- Дијаз е претставен како амбасадор на брендот на каналите на клубот на шпански јазик. Бројот на посетители на онлајн продавницата на германскиот гигант во јужноамериканската земја се зголемил за 200%.
- Британската полиција соопшти дека судија со значка на УЕФА кој судел европски натпревар на островот пред неколку дена сексуално нападнал тинејџер.
- Полицијата соопштува дека манијакот има 30-ина години, а обвинет е дека насилно го допирал и присилувал младиот тинејџер да оди во неговата хотелска соба.
- Момчето пријавило напад, а полицијата чекала после натпреварот судијата да се врати во хотелот за да го уапси.
- Тој требал да суди и на овогодишното Светско првенство во САД, Мексико и Канада. УЕФА додека трае истрагата го суспендирала судијат на неопределено време и тој нема да суди во догледно време УЕФА натпревари.
- Го чека евентуална затворска казна во Британија ако се докаже вина.
