Макаби во Валенсија ќе биде чуван од 700 полицајци
18 октомври 2023
- Натпреварот меѓу Валенсија и Макаби Тел Авив се игра вечерва од 20:30 часот. Израелскиот шампион до сега одигра еден меч во Евролига во кој победи против Партизан, а средбата со Армани Милано од второто коло беше одложена поради војната меѓу Израел и Газа.
- Во 3. коло Макаби требаше да биде домаќин во Тел Авив но се договориле за замена на домаќинствата со Валенсија. Израелскиот тим своите домашни натпревари понатаму ќе ги игра на Кипар.
- Со оглед на тоа што натпреварот Валенсија - Макаби Тел Авив е прогласен за меч од висок ризик, шпанската полиција ќе го зголеми обезбедувањето а преку соопштение е најавено дека контролата на влезовите во салата ќе биде подетална и подолга.
- Макаби на овој меч ќе носи црни дресови во знак на жалост за загинатите во воениот судир меѓу Израел и Палестина.
