Offside › Набрзинка

Лидс и Барнли се враќаат во Премиер лига

21 април 2025

Со денешниот убедлив триумф од 6-0 над Стоук Сити, Лидс Јунајтед и официјално се пласираше во Премиер лигата а заедно со него и Барнли кој со 2-1 го победи Шефилд Јунајтед.
Лидс Јунајтед и Барнли се на прво и второ место со по 94 освоени бода, а третопласираниот Шефилд Јунајтед има 8 бода помалку од нив на две кола пред крајот на сезоната во Чемпионшип.
Некогашниот учесник во Лига на шампиони со култните Марк Видука и Хари Кјуел, од Премиер лига испадна во 2023-та година а сега во април 2025-та се враќа во најбогатото друштво каде ќе се обиде и да остане. Барнли испадна од Премиер лига во 2024-та па навивачите еуфорично го прославија враќањето.

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.

View this post on Instagram

A post shared by FIBA Basketball World Cup (@fibawc)

27 ноември 2025

По бурните реакции на навивачите кои не можеа да се помират со оставката на најтрофејниот европски кошаркарски тренер Обрадовиќ, извршниот и управниот одбор на Партизан решил да му пружи апсолутна поддршка на својот тренер да ја продолжи мисијата и му ја одбила оставката.
На предлог на претседателот на клубот Остоја Мијаиловиќ, едногласно е одбиена оставката на Обрадовиќ и клубот соопшти дека тој ужива нивна целосна доверба.