- Селекторот на македонската ракометна репрезентација Кирил Лазаров го објави скратениот список на играчи кои ќе конкурираат за Европското првенство. Претходно на првичниот поширок список имаше 35 ракометари а сега се 19.
- Европското ќе се игра во Германија од 10-ти до 28-ми јануари а Македонија е во најсилната група со гигантите Германија и Франција како и со Швајцарија.
- На 10-ти јануари Македонија ќе отвори на фудбалски стадион пред повеќе од 20.000 гледачи против Франција од 18:00 часот. На 14-ти избраниците на Лазаров ќе играат со Германија од 20:30 часот а на 16-ти од 18:00 часот со Швајцарија.
- Македонскиот репрезентативен голман Мартин Томовски настапува во Бундеслигата, а од меч во меч има одлична статистика која го држи при врвот по пет одиграни кола.
- Со вкупно 53 одбрани зад своето име во пет меча, Мартин Томовски е вториот најдобар голман во Бундеслигата по бројот на интервенции. Пред него е само Давид Спат, Германецот кој брани за Рајн Некар Левен, а има 64 одбрани.
- Зад Томовски се Бертрам Облинг од Гумерсбах (50 одбрани), Ласе Лудвиг од Фуксе Берлин (47 одбрани) и Робин Хауг од Хамбург (41 одбрана).
- Томовски и Битигхајм, сепак, веројатно ги чека битка за опстанок. Тимот на македонскиот голман има една победа во пет одиграни натпревари.
- Македонскиот репрезентативец Дарко Чурлинов нема да биде во можност да настапи за македонската репрезентација на натпреварите против Швајцарија, Словенија и Шкотска во рамки на претстојниот прозорец (26.09 – 06.10) од новиот циклус од Лигата на нации.
- Причината е административна процедура поврзана со неговиот престој и работниот статус во Полска. Клубот Погон Шчечин во кој настапува Чурлинов доцна ја започнал постапката за обезбедување на потребната работна и документација за негов престој.
- Во случај на негово напуштање на Европската Унија и доаѓање во Македонија, повторното враќање во државите од Европската унија би можело да биде отежнато, односно да биде предмет на соодветни санкции поради надминување на дозволениот период на престој без потребните документи за работа и престој, соопштуваат од ФФМ.
