Не смееш:
- Да штетиш на било кое живо суштество (вклучувајќи се и себеси)
- Да правиш нешто незаконско
Смееш:
- Да прашаш, ако не ти е јасно
- Да побараш помош ако не ти успева
(и никој не смее да те прави глуп)
- Да си ја споделиш храната на Инстаграм
- Да си ја споделиш модната комбинација на Инстаграм
- И мачето
- И кучето
- По сто пати
- И што си купил/а
- И слика од теретана
- Да снимаш влогови
- Да носиш кратко, без разлика што си дебел/а
- Да носиш сѐ, ама БУКВАЛНО сѐ што ти се свиѓа, без разлика што имаш над 40, 50, 60, 70 и така натаму години
- Да имаш долга коса
- Кратка коса
- Андеркат
- Ладна
- Пирсови
- Тетоважи
- Цело тело со тетоважи
- Ич тетоважи
- Да носиш анимал принт
- Да излезеш во хеланки
- Да постираш селфи на Твитер
- Слика од книга на плажа
- Нозете подизгоренки и сликани ко виршли на плажа
- Слика од “кафенце” со “Добро утро!” секое сабајле
(ако на некој му смета, нека не гледа)
- Смееш да се здебелиш
- Да ослабнеш
(и никој не смее ништо да ти каже)
- Да бидеш во врска со кој сакаш
- Да се омажиш втор пат
- Трет пат
- Седми пат
- Да се разведеш
- Да родиш само едно дете
- Да родиш пет
- Да не родиш ич
- Да живееш сам/а
(и никој да не смее ништо да ти каже)
- Да одиш по пижами до локална продавница
- Да згрешиш
- Да запишеш факултет на 40
- Да дадеш отказ без разлика што платата е добра
- Да кажеш не
- Да носиш неспоиви работи (види ја Ријана)
- Да носиш грди работи
- Нонстоп да си дотеран/а
- Никогаш да не си дотеран/а
- Да плачеш
- Да не одговориш на прашање ако не ти се одговара
- Да се гордееш со успех
- Да споделуваш успеси
(на кој не му се свиѓа, нека не гледа)
- Да кажеш ‘фала’ на комплимент, без скромност
- Да бидеш уверен во своите способности и да заработуваш од нив
- Да пишуваш статуси, статии, твитови, пораки на која тема сакаш
- Јавно да си го споделуваш животот
- Воопшто да не си го споделуваш животот
- Да носиш штикли од 15 цм во парк
- Да носиш патики на работа
(што имаат другите со тоа?!)
- Да се дотераш за на Водно
- Да не се шминкаш никогаш
- Да се шминкаш после операција
- Да не одговараш на пораки
- Да читаш што сакаш
- Да гледаш што сакаш
- Да слушаш што сакаш
(паметно би ти било да читаш, гледаш и слушаш квалитетно, ама - што и да ти прави ќеиф)
- Да се фарбаш
- Да се шеташ со бели влакна
- Да ставиш филери
- Да направиш пластична операција
- Да не смениш ништо на себе и да бидеш воодушевен/а од себе
(и никој ништо не смее да ти каже)
- Да си го одржуваш домот како што ти одговара
- Исто и социјалните мрежи
- Исто и која и да е твоја платформа
- Смееш и да судиш и да трачариш, ама ако другиот не прави никаква штета, тоа СЀ УШТЕ не е твоја работа (и паметно би било да го задржиш тоа за себе)
- Смееш да пееш во кола
- Да бидеш себичен/на
- Да одиш сам/а на одмор
- Да смениш кариера после многу години
- Да уживаш без да мораш да објаснуваш зошто и да учествуваш во “не бива” муабети затоа што ти е незгодно од сопственото задоволство од ситните и крупните работи во животот.
Ете.
И не мораш да се извинуваш.
Ако на некој не му одговараат сите овие работи што смееш да ги правиш и притоа не кршиш ниеден закон и не штетиш на никого, тој некој престанува да биде битен.
Убав ден.
~Јана
