10-те правила на Бордејн за печење месо на скара

Бордејн упатството го започнува оптимистички "секое шимпанзо може да испече стек или плескавица," дополнувајќи "се што треба за да се трансформираш од дворски Чарли Менсон, во скара мајстор од светска класа, е малку техника и еден - два трика."

1. Не претерувај со огнот
Првото обраќање на Бордеин е до сите оние што мислат дека треба да направат церемонијална клада во скарата: "дали ја трупаш скарата со ќумур и потоа го полеваш со бензин затоа што голем оган ти изгледа некако кул и прави да чувствуваш како да ти пораснал пенисот? Не се мачи. Умерена топлина е подобро."

Ако се користат дрва или ќумур, неговата препорака е да се остават огновите прво да изгорат пред да се стави првото парче месо. Во спротивно "огнот само ќе го прекрие месото со тенок црн слој кој има вкус на остатоци од логорски оган "

Што се однесува до распалување, препораката е хартија и тенки дрвца, па потоа да се додаде ќумурот. (Наспроти ќумур + бензин за Зипо или сличен потпалувач.) Откако ќе го запалиш ќумурот, го оставаш да изгори додека не стане бел, "ќе биде доволно жежок уште прилично долго време."

2. Дај му да дише
Пред да го ставиш стекот или месото на скара, треба да се остави надвор да постигне собна температура.

"Не викам да го оставиш да скапува 2 часа на сонце. Извади го од фрижидер и стави го во чинија околу половина час претходно, за да му го извадиш студот за порамномерно печење.

Само нека биде покриено за да не го серат инсекти."

3. Зачини го месото
"За да му дадеш вкусен, ама суптилен, шмек на месото, лесно премачкај го со маслинов зејтин, кршени чешниња лук и свежа мајчина душица."

За поедноставна варијанта, барем истријте го стекот со свежо толчен црн пипер и морска сол.

"Да не се користи јонизирана кујнска сол, која ја зголемува соленоста при готвењето. Морската сол, за споредба, дава вкусна крцкавост и чувство на текстура, а нема да навлезе во месото."

4. Намачкај зејтин
Лесно намрси ја скарата за да на се лепи месото.

5. Загреј ја решетката
"Јагленот не мора да биде пеколно жежок, ама самата решетка треба да биде. Кога ќе го ставиш месото, треба да се чуе како се пече, ама притоа да не прави оган."

6. Врти за 45 степени
За да изгледате како стварно да знаете што правите, гответе го стекот на едната страна до половина од потребното време, па ротирајте го за 45 степени. Потоа истото направете го на другата страна.

7. Не го чепкај
Немој да го бодеш месото со вилушка. Користи маша / штипалки за да го мрднеш.

Никогаш не го притискај месото врз скарата за да го забрзаш печењето. Така само ги цедиш убавите работи врз ќумурот. Биди нежен.

И немој да ѕиркаш – што значи немој да го сечеш стекот за да видиш до каде е.

8. Провери дали е совршено зготвено
"Користи ги рацете за помош. Нежно притисни го стекот со показалецот за да видиш дали е малку печен, средно и.тн.

Малку печен стек е мек како кожата меѓу палецот и показалецот кога дланката ти е опуштена. Притисни на истото место додека правиш лабава тупаница: така треба да биде и средно печен стек.

Стегната тупаница дава чувство на добро испечен стек, ама не би ве советувал да го правите тоа.

Ќе сакате да го тргнете месото од скара кога е речиси готово.

Ставете го во чинија и оставете да одмара 3 до 5 минути пред да го допрете. Месото ќе продолжи да се готви, и уште поважно, соковите, оставени без никој да ги вознемирува и да малтретира, ќе се распоредат низ месото на прекрасен начин."

Број еден почетничка грешка е да не се остави месото да одмори откако ќе го тргнеш од скара, "и последиците се огромни."

"Уште полошо е да го 'провериш' стекот, сечејќи го на скара. Го убиваш, бе будало! Не потпаѓај под желбата да го исечеш стекот и ќе видиш колку повлажно и повкусно ќе стане месото.

Идејата дека стек или бургер треба да ти ја гори устата е антиетична во однос на доброто јадење.

Забелешка околу коските: ако месото има коска, како во случај на ребро или кременадла, имајте предвид дека коската пренесува топлина во месото, па соодветно намелете го вашето време за готвење. Секогаш можеш да го допечеш, не можеш да го одпечеш."

9. Правилно сечи
Колку повеќе треба да притискаш, наместо да сечеш, толку повеќе сокови ќе излезат од месото. Кога сечеш стек, сечи го на тенки ленти, и немој да сечеш по должина на мускулното влакно.

10. Господар на гарнирот
Тенко сечкани тиквички, црвен кромид, праз, млад кромид и слично, одлично легнуваат на скара кога претходно се зачинети и лесно премачкани со маслиново масло.

"Трикот е претходно да се потопат во врела вода, околу 20 секунди, и потоа да се шокираат во вода со мраз. Можеш да ги оставиш во вода до ставање на скара."

За крај:

"Пред се', експериментирај. Слободно греши. Почни со лесните работи (говедски стек и плескавици) и полека шири го репертоарот на зеленчук, свинско и риба.

Јас така научив. Така готвачите го учат својот занает со векови. И е крајно интересно," завршува Бордејн.

8 септември 2015 - 13:51