- Претседателот Володимир Зеленски го опиша американскиот мировен план како „најтежок момент“ во историјата на неговата земја: Украина ќе мора да отстапи една петтина од својата територија за да завршат војната, уништувањата и човечките жртви.
- Во десетминутно обраќање до јавноста, тој истакна дека е соочен со „невозможен избор“ – да го прифати планот на САД или да ги осуди Украинците на „екстремно тешка зима“. Зеленски најави дека ќе соработува „конструктивно“ со Вашингтон, но и дека ќе понуди алтернативен план.
- Администрацијата на Трамп го притиска Зеленски да го потпише планот од 28 точки најдоцна до четврток, со надеж дека и Русија потоа брзо ќе го прифати и дека војната ќе заврши до крајот на оваа година.
- Трамп го предупреди Зеленски дека мора да го запре крвопролевањето, бидејќи зимата брзо се приближува. „Мора да му се допаѓа. Ако не, тие ќе продолжат да војуваат. Во некој момент ќе мора да прифатат нешто што сега им е неприфатливо“, изјави Трамп.
- Рускиот претседател Путин изјави дека американскиот план е „добра основа“ за крај на конфликтот. Тој предупреди дека ако Киев го отфрли планот, руските сили ќе продолжат да напредуваат на фронтот.
- Кина обезбедува клучна поддршка за руската агресија во Украина и би можела да ја заврши војната со еден телефонски повик, изјави американскиот амбасадор во НАТО.
- „Пекинг би можел да му се јави на Владимир Путин и да ја заврши оваа војна утре, ако го прекине доставувањето технологии со двојна намена. Би можела и да престане да купува руска нафта и гас“, изјави амбасадорот Метју Витакер.
- Русија се потпира на Кина за набавка за критични делови и компоненти за беспилотни летала и друга воена опрема. Откако Европа воведе санкции за Москва, Кина стана и најголем увозник на руска нафта.
- Во јануари во кинеските пристаништа просечно пристигнувале по 1,65 милиони барели руска сурова нафта. Тоа е најмногу од март 2024 година и второ највисоко количество по инвазијата врз Украина пред четири години.
- Кинеското Министерство за надворешни работи ги отфрли како „целосно неосновани“ обвинувањата дека ги поддржува воените напори на Русија.
- Почина театарската, филмска и телевизиска глумица Ленче Делова, соопшти Драмски театар, нејзината матична куќа. Имаше 77 години.
- Нејзиниот талент, сценска присутност и човечка топлина оставија неизбришлива трага на сцената и во срцата на публиката. Со секоја улога таа внесуваше искреност, емоција и посветеност, градејќи ликови кои долго ќе се паметат. Нејзината насмевка и ведриот дух беа светлина зад сцената, а нејзината професионалност пример за генерации актери, напишаа колегите.
- Делова играла во 60-тина претстави во Драмски театар, а глумеше и во над 30 филмови.
