Offside › Набрзинка

Конте за финансиската моќ на премиерлигашите: „Тие користат базуки, а сите останати пиштоли“

5 октомври 2026

Италијанскиот стратег кој со голем успех ги водеше Јувентус и Челси каде освојуваше шампионски трофеи, беше уште и тренер на Тотенхем и Наполи. Тој добро ги познава околностите во големите премиерлигашки клубови. Во моментов е без ангажман откако на крајот од минатата сезона во мај/јуни во не баш најдобри односи си замина од Наполи.
Во интервју за Атлетик зборувал на разни теми, а една е и огромната финансиска предност која островските клубови ја имаат во однос на остатокот од Европа.
„Во Англија денес користите базуки, додека сите останати и натаму користат пиштоли“, сликовито го објаснува односот Конте на премиерлигашите со сите други лиги и додава: „Но мораме да бидеме внимателни и кога е во прашање начинот на кој тие пари се трошат. Затоа е важно да се носат прави проценки и да се има визија - зошто можете да ги имате сите пари на светот, но мора да знаете како да го потрошите паметно“.

извор

Селекцијата на Бенин патувала 23 часа до Аргентина, а во хотелот немало топла вода

5 октомври 2026

Додека Аргентина се подготвува за последниот настап на Лионел Меси, во вторник на стадионот Монументал во Буенос Аирес, нивните противници се соочуваат со низа проблеми во пресрет на натпреварот.
Мегаспорт пишува дека условите за нивното гостување се далеку од идеални. Играчите немале топла вода во хотелот, сауната била во дефект, недостасувала опрема, а фитнес салата била несоодветна за професионален тим. Покрај тоа, репрезентацијата на Бенин патувала 23 часа во економска класа, а видео-аналитичарот Жонас Биде доживеал колапс.
Претходно и Буркина Фасо имала слични проблеми и поради низа пропусти на Аргентинската фудбалска федерација околу организацијата на патот, многу репрезентативци одбиле да патуваат и поради тоа настапиле со изменет состав составен од играчи до 23 години кој загуби 7:0.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор