Offside › Набрзинка

Кој е следниот противник на Вардар во Европа?

15 јули 2026

Вардарци ја завршија авантурата во квалификациите од ЛШ, откако не успеаа да излезат на крај во двомечот со КуПС.
Продолжуваат на меѓународна сцена во квалификациите за Конференциската лига, каде за противник го добија шампионот на Летонија, Рига.
Првиот натпревар се игра на 23 јули во Скопје, а реваншот на гости е една недела подоцна.

14 јули 2026

Поранешниот хрватски фудбалер, кој има 100 настапи за репрезентација уапсен е во заедничка операција на локалната полиција и Управата за сузбивање на корупцијата и организираниот криминал (УСКОК).
Шимиќ е осомничен за нелегално добивање на дозволи за камп во Тисно.
50 годишниот Дарио Шимиќ е славно фудбалско име, кое кариерата ја почна во Динамо Загреб, а потоа играше во Интер, Милан и Монако.

13 јули 2026

Диего Форлан е нов селектор на Уругвај по разочарувачкиот Мундијал, каде испадна уште во групи, без ниту една победа.
Уругвајската фудбалска асоцијација соопшти дека почетниот договор на Форлан ќе важи до март 2027 година, а паралелно ќе остане да ја води селекцијата до 20 години и на Јужноамериканското првенство во 2027 година.
Легендарниот напаѓач, кој играше за клубови како Манчестер Јунајтед, Виљареал, Атлетико Мадрид, Интер и Интернационал трет најдобар стрелец националниот тим на Уругвај со 36 гола.
Форлан ја започна тренерската кариера во декември 2019 година во Пењарол, но беше отпуштен по само 11 натпревари на кои имаше само четири победи. Потоа беше безмилосно отпуштен во второлигашиот Атлетико Атенас и покрај тоа што имаше само три порази на 12 меча.