- Сликата понекогаш лаже, па така иако често може да видиме гневни тренери како киптат од бес поради судиски одлуки, сепак го контролираат нивниот однос кон судиите.
- Така на пример Жељко Обрадовиќ, верувале или не, сезонава не добил ниту една единствена техничка грешка од судиите во цела сезона во Евролига.
- Не добиле ниту Томислав Мијатовиќ (Анадолу Ефес), Пјерик Пупе (АСВЕЛ) и Ти Џеј Паркер (АСВЕЛ).
- Најнервозни очигледно со најмногу технички грешки се Алекс Мумбру (Валенсија) со дури 11, Рожер Гримау (Барселона) со 8 колку што има и ексцентричните Ергин Атаман (ПАО) и Џанмарко Поцеко (додека го водеше АСВЕЛ), Димитрис Итудис (додека го водеше Фенербахче) пет пати добил техничка од судиите, а толку има и Пабло Ласо (Баерн Минхен).
- Новак Ѓоковиќ објави дека негов нов тренер кој ќе го спрема за Австралија Опен и за некои други турнири е неговиот добар другар од детство и долгогодишен ривал на тениските терени Енди Мареј.
- Легендарниот шкотски тенисер ја заврши својата богата кариера на Олимписките Игри во Париз а сега ќе заплива во тренерски води и ќе соработува со Новак Ѓоковиќ.
- Србинот и Мареј во кариерата одиграа 36 меѓусебни дуели. Ѓоковиќ славеше на 25 меча а 11 пати подобар беше Мареј. Енди во кариерата освои две титули на Вимблдон и една на УС Опен а има и две олимписки злата кои ги освои во 2012 и 2016.
- „Возбуден сум што еден од моите најголеми ривали ќе биде со мене од иста страна на мрежата, овојпат како мој тренер. Се радувам што сезоната ќе ја започнам заедно со Енди и што ќе биде со мене баш во Мелбурн каде делевме многу исклучителни моменти во кариерата“, изјави Новак Ѓоковиќ.
- Во самиот финиш од мечот Романија - Косово во Лига на Нации, гостинските фудбалери во 90' минута кога сфатија дека немаат веќе шанса за прво место за кое им требаше победа од најмалку три гола разлика, при резултат 0-0 решија да го напуштат теренот поради тоа што домашните навивачи им скандирале „Косово е Србија“.
- УЕФА неколку дена го разгледуваше случајот, а на крајот пресуди Романија службено да го добие мечот со победа од 3:0. Косовскиот фудбалски сојуз е казнет и со 6.000 евра парична казна поради тоа што репрезентативците ги одбивале повиците на делегатот да се вратат на теренот и да го довршат мечот.
- Романија ќе мора да плати 128.000 евра и еден меч ќе мора да игра без присуство на публика поради односот на своите навивачи.
