- Со фантастичната сезона на македонскиот центарфор Бојан Миовски, шкотски Абердин обезбеди место во еврокуповите сезонава. Таму навивачите на овој клуб гостуваа во разни градови, а при едно гостување во Хелсинки во ноември лани на стадионот правеле снежни топки и ги гаѓале домашните играчи и навивачи.
- Поради ова Абердин мора да плати 2.000 евра во касата на УЕФА. Шкотскиот клуб освои 6 бода и во група со ПАОК, Ајнтрахт Франкфурт и Хелсинки заврши трет.
- Селтик е казнет 5.000 евра поради исто, гаѓање со снежни топки противнички навивачи на мечот со Феенорд. Холандскиот клуб во истовреме мора да плати 16.500 евра за фрлање разни предмети од страна на навивачите.
- Ама на Таџикистан...
- Поранешниот селектор на Македонија, Игор Ангеловски, се враќа на репрезентативната сцена и повторно ќе предводи национален тим, првпат по заминувањето од македонската клупа.
- Неговиот нов предизвик ќе биде селекцијата на Таџикистан. Таму Мрме ќе ја преземе улогата селектор со јасна цел, подготовка за Азискиот куп во 2027 кој ќе се одржи во Саудиска Арабија. Помошници на Ангеловски во Таџикистан ќе му бидат Милан Илиевски и Иван Јовановски.
- Ангеловски по разделбата со Македонија имаше интернационално искуство на клупско ниво, работејќи во Горица, Каспиј и Етникос Ахна, а сега повторно се враќа на селекторска функција.
- Селекторот на македонската ракометна репрезентација, Кирил Лазаров го објави поширокиот список за бараж мечот против Словачка за пласман на Светското првенство 2027 година.
- На списокот има 35 имиња, а тројца од нив доаѓаат од странство. Од шампионатите надвор од Македонија, тоа се голманот Мартин Томовски од Германија, бековите Филип Талески од Унгарија и Мартин Карапалевски од Шпанија.
- Македонија и Словачка ќе се судрат во мај. Првиот натпревар го играме на гости на 13, додека реваншот ќе се одигра на 17 мај во Скопје.
