- Реномираниот шпански АБЦ.ес денес пишува дека тренерот на Реал Мадрид Чаби Алонсо кој правеше неверојатни чуда на клупата на Баер Леверкузен, на „Сантијаго Бернабеу“ е станат практично како политичка фигура која мора да држи рамнотежа меѓу големите ѕвезди за да ја задржи соблекувалната.
- Поразот 0-2 од Селта Виго на домашен терен на само неколку дена пред дербито со Манчестер Сити, пак ја здрма клупата на Чаби Алонсо чија смена веќе призиваат некои душегрижници.
- Новинарот Рубен Кањизарес во опширна анализа вели дека Чаби Алонсо се чувствува изолирано од играчите кои ја користат неговата слабост. „Тој неодамна стана политичка фигура и пробува да ја придобие соблекувалната со понуди: пократки видео сесии, недопирливи ѕвезди, повеќе слободни денови за одмор, помалку тактички задачи и слично.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
