Offside › Набрзинка

„Јас да се допингував како Синер ќе добиев 20 години суспензија“

17 април 2025

Фото: EpaImages

Италијанскиот тенисер Јаник Синер кој е предводник на новата генерација најдобри светски тенисери, во март 2024-та година паднал на допинг тест. Во организмот му бил пронајден клостебол, строго забранета супстанца според правилникот на Светската анти-допинг агенција.
Тоа што резултатите од тестот беа објавени дури неколку месеци подоцна а во меѓувреме Синер играше на турнири предизвика голем револт кај сегашни и поранешни тенисери и тенисерки.
„Да бев јас позитивна на допинг тест ќе добиев 20 години суспензија. Да бидеме искрени. Ќе завршев во затвор и ќе ми ги одземеа сите Гренд Слемови“, вели некогашната светска тенисерка број 1 и една од најтрофејните на сите времиња, Американската Серена Вилијамс (43) која освои 23 пехари од големите турнири.

извор

Вардарци среќни: Хориха ги одбил Берлин и Веспрем, останува црвено-црн

9 јануари 2026

Најдобриот ракометар на РК Вардар 1961 и најдобар играч во првата полусезона од машката Суперлига, Украинецот Дмитро Хориха ќе игра уште една сезона во црвено-црниот дрес, пишува 24ракомет.мк.
Хориха беше голема желба на Берлин и Веспрем, но левиот бек кој одигра фантастична прва полусезона и е најзаслужен за феноменалните партии на Вардар 1961, решил да го продолжи договорот со клубот и да остане најмалку уште една сезона.
Скопскиот состав сезонава се пласираше во главната фаза од Лига Европа, има шанси да стигне и до ТОП8, а во домашното првенство имаат одлична бодовна залиха пред ривалите Еурофарм Пелистер, Алкалоид и Охрид. Комити се надеваат дека шампионската титула ќе се врати по пауза од три години.
Со останување на Хориха Вардар обезбедува силен континуитет на една од најважните бековски позиции и го задржува костурот на тимот.

извор

Македонија денес ќе има втора проба, првата беше успешна, Лазаров незадоволен

9 јануари 2026

Ракометната репрезентација на Македонија синоќа во швајцарскиот град Винтертур го одигра првиот подготвителен натпревар на турнирот кој таму се игра. Црвено-жолтите го совладаа Бахреин 32-28. Денес од 17:45 играат против Украина на исто место, во „АКСА Арена“ каде утре ќе затворат со Швајцарија.
Селекторот Лазаров вели дека е задоволен што се дел од овој силен турнир но и дека има многу работи кои треба да се поправат. „Не сум баш најзадоволен со играта, но ова е само прв натпревар, се надевам дека на вториот ќе бидеме подобри, на третиот уште подобори и така да ја дигнеме формата за она што не чека на Европското. Колку и да се подготвувате за Данска, пак ќе биде тешко. Се спремале и многу посилни од нас, па губеле со десет разлика. Нема што да изгубиме на тој меч, треба да ни биде чест и привилегија да играме со најдобрите на светот во последните пет години“.
Македонија на ЕП се наоѓа во група со Данска, Португалија и Романија.

извор