Offside › Набрзинка

Изненадно Челси добива голем играч Италијанец од својот погон

12 јуни 2023

Откако американскиот милијардер Тод Боели стана прв човек на Челси, овој клуб потроши речиси милијарда евра на нови, а се испостави бесполезни засилувања. Се појави и анегдота дека во Челси не дошол само оној што не прашал.
И покрај толку потрошени милиони клубот од „Стемфорд Бриџ“ заврши поблизу до зоната за испаѓање отколку во зона за еврокупови.
Решија тоа да го сменат и назначија нов искусен тренер, Маурисио Почетино кој во 20-годишниот Италијанец Чезаре Казадеи сега би можел да добие нов адут за новата сезона. Казадеи блескаше на штотуку завршеното Светско првенство У-20 каде постигна 7 гола со 2 асистенции, доби Златна копачка за најдобар стрелец и Златна топка за најдобар играч на Мундијалот кој го освои Уругвај У-20 откако ги совлада Италијанците со 1:0.
Чезаре Казадеи е роден во 2003-та во Равена, има 20 години а почнал да тренира фудбал во Червиа па во Чезена за да преку Интер во 2022 дојде во Челси. Лани беше на позајмица во Рединг каде на 15 меча дал 1 гол.

извор

Вардар го освои и Охрид за 14-та победа на 14 натпревари

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

извор

Тарик Биберовиќ им „забибери“ чорба на своите, Босанците гневни

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.