- Прославениот грчки тренер Димитрис Итудис кој сега го води израелски Хапоел Тел Авив, со својата екипа повторно по којзнае кој пат ќе се врати во Софија, Бугарија каде израелскиот тим ќе ги игра своите домашни натпревари. Причината е војната меѓу Израел/САД и Иран.
- „Во моментов не гледам можност да се игра кошарка во догледно време во Израел. Успеавме да заминеме до Тел Авив благодарение на огромен напор на нашето раководство. Овозможено ни е да излеземе и да продолжиме во нашиот микрокосмос да се занимаваме со кошарка.
- Мојот апартман е во центарот на градот (Тел Авив), а во близина е и грчката амбасада. Во еден момент се слушна снажна експлозија на 700 метри од мојот дом која за жал уби една жена. Бучавата беше неверојатна, никој тоа не треба да го доживее. Морав да отидам во хотел. Се надевам дека луѓето ќе седнат на маса и ќе разговараат, да се врати мирот во цел тој регион“, рекол Итудис за Спортклуб.рс.
- Макаби Тел Авив ќе се враќа во Белгад каде долго време беше домаќин за време на војната меѓу Израел и Палестина. Хапоел Тел Авив се враќа во Бугарија каде беше домаќин на неколку европски средби.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
- И покрај тоа што беше веќе потврдено дека некогашниот капитен и легенда на Севиља и Реал Мадрид ќе купи мнозински пакет акции во андалузискиот клуб, луѓето од клубот се откажале и ги допратиле до врата. „Договорот е прекршен и пропадна“, така рекол извор од клубот Севиља за последниот состанок меѓу инвестициската група на Серхио Рамос и луѓето од клубот.
- Рамос и неговите партнери претставиле значајни измени на договорот постигнат на 12-ти мај во кој се обврзале дека ќе платат 450 милиони евра, ќе го смалат признатиот јавен долг од 88 милиони евра за 80% од акциите на клубот“, рекол неименуван извор и додал: „Рамос после дојде со нова идеја: да купи околу 30.000 од акциите за 100 милиони евра, а договорот беше да купи 86.000 акции. После ова групата на Рамос предложила да ја зголеми сумата на 120 милиони но за 42% од акциите.
- „Бевме шокирани зошто сакаше да ја купи Севиља за едвај речиси 100 милиони евра, па после да изврши зголемување на капиталот од нешто повеќе од 100 милиони евра и на акционерите да им плати многу помалку. После ова состанокот беше распуштен“.
