Италијанска асоцијација на судии пресече: Оправдано немаше пенал за Лацио на дербито со Милан
2 декември 2025
- По големата дебата која се отвори по дербито Милан - Лацио кој росонерите го добија со 1-0, со свое соопштение излезе и најрелевантната страна: судиската асоцијација на Италија.
- По шутот на Алесио Ромањоли топката го погоди Страхиња Павловиќ во рака. Судијата гледаше ВАР и реши дека пенал нема. Настана гужва претходно а Масимилијано Алегри доби црвен картон.
- „Пенал за Лацио не можеше никако да се свири а има неколку објаснувања за тоа:
- 1. Раздалеченоста меѓу ударот на гол на играчот на Лацио Ромањоли и раката на играчот на Милан Павловиќ е половина метар како и ситуацијата дека Павловиќ не е свртен кон играчот за време на ударот.
- 2. Пред споменатата ситуација имаше и меѓусебно влечење меѓу Марушиќ и Павловиќ но при шутот на Ромањоли, Марушиќ јасно го влече играчот на Милан и со тоа прави прекшрок кој подоцна и е евидентиран. При секој прекршок или меѓусебно повлекување во единаестерецот секогаш се дава предност на играчот кој го брани голот во случајов Павловиќ.
- 3. И да не беше прекршок над Павловиќ, јасно е дека овде пенал немаше да се свири зошто е јасно дека е мало растојанието меѓу играчите и тоа не се свири, а Павловиќ е и свртен со грб и не се гледа јасна намера за игра со рака. При тоа раката повеќе е наслонета кон телото што јасно се гледа по тоа што топката го удира Павловиќ во лакт. Ситуацијата е јасна.
- Лацио е казнет со 150.000 евра зошто не се појавиле на прес-конференција после мечот.
