- Ракометниот клуб Охрид соопшти дека по разговори со Европската ракометна федерација (ЕХФ), тие и грчкиот клуб РК Олимпијакос заеднички решиле, со цел да биде избегната ситуација слична или иста на онаа од минатата година кога РК Алкалоид и АЕК Атина не го одиграа реваншот од финалето на Европскиот Куп, нивните дуели во четвртфиналето да минат без гостинска публика.
- „ГРК Охрид со Олимпијакос одлучи да не врши продажба на билети за гостински навивачи и симпатизери на двата натпревари“, велат од охридскиот клуб.
- ГРК Охрид ќе биде домаќин на реваншот кој ќе се одигра на 04.04.2026 во 18 часот во СРЦ „Билјанини Извори“ во Охрид.
- По повод големиот јубилеј 80 години од основањето на Кошаркарскиот клуб Работнички, сега КК Работнички АД Скопје, кој првиот натпревар го одигра на големиот празник Илинден во 1946 година, интензивно се подготвува, и наскоро на Ју-тјуб ќе почне да се емитува видео серијал.
- „Тоа се мошне интересни разговори, што се водени главно, со голем дел од легендарните кошаркари и тренери во клупската историја, а беа снимени во текот на изминативе 50-ина дена“, соопштуваат од клубот на нивната Фејсбук страница.
- Дел од соговорниците се: Александар Књазев, Радосављевиќ, Митко Луковски, Ѓорѓевски, Давитков, Докузовски, Марко Ивановиќ, Вукадиновиќ, ќе бидат прикажани и епизоди во кои соговорници се јавни личности – вклучително и љубители на нашиот клуб Архиепископот Охридски и Македонски г. г. Стефан, легендарниот фудбалер Дарко Панчев, Влатко Стефановски, проф. Д-р. Љубомир Кекеновски и многу други изненадувања од земјава и регионов...
- Серијалот го подготвува следниов тим од четворица ентузијасти: Тадеј Здравкоски, Живко Здравкоски, Михаил Јосифовски и Даниел Зарев.
- Конечно стигна веста.
- Рубен Аморим (41) е нов тренер на повеќекратниот европски, светски, италијански шампион Милан. Роосонерите потпишале договор со доскорешниот тренер на Манчестер Јунајтед и Спортинг до 2028-ма година. Двете страни неделава треба да ги финализираат сите аспекти но договорот е веќе потпишан и Аморим ќе почне да гради нова екипа летово.
- Откако селекторот на Австрија, легендарниот Ралф Рагник изјави дека раководството на Милан немало слух за неговите барања и не му одговарало на прашањата, тренерот крена раце, потпиша нов договор со австриската фудбалска федерација.
- Милан тогаш се сврти кон Рубен Аморим од кого се очекува да го врати шампионскиот сјај на „Сан Сиро“.
