- По срамните сцени кој ги приреди сопственикот на Панатинаикос Димитрис Јанакопулос синоќа за време на вториот дуел од финалната серија против Олимпијакос на гости, грчката Влада денес го суспендираше финалето на неопределено време.
- Портпаролот на грчката Влада, Павлос Маринакис денес соопштил на прес-конференција дека финалната серија се прекинува се додека не се обезбедат силни безбедносно-сигурносни мерки за сите учесници.
- Оваа одлука доаѓа по циркузот кој во салата „Мир и пријателство“ на Олимпијакос го направи првиот човек на Панатинаикос, Јанакопулос.
- Црвено-белите победија, израмнија на 1-1 во серијата а третиот меч требаше да се игра во среда во домот на Панатинаикос. За сега е одложен на неодредено време а во меѓувреме ќе има состанок на државните службеници со претставници на двата клуба и полицијата.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
