- На рангирањето на УЕФА, Македонија е во група од седум земји кои моментално останаа само со еден претставник во Европа.
- Македонскиот фудбал на клупски план моментно е во ранг со земји како Лихтенштајн, Малта, Гибралтар, Црна Гора, Велс и Сан Марино.
- Вардар испадна од Рига, а Силекс од Динамо Минск во квалификациите за Конференциска лига. Само Шкендија уште е во игра на меѓународна сцена. В четврток во Скопје ќе играат реванш дуел против Браво од Словенија, кој има предност од 2:1 од првиот дуел.
- Легендарниот Роберто Манчини повторно ќе седне на селекторското столче на Италија откако денес се договорил со првиот човек на Фудбалската федерација на оваа земја, Џовани Малаго.
- Првично откако Паоло Малдини и Леонардо добија функции во италијанскиот фудбалски сојуз, овие двајца го сакаа Андреа Пирло за нов селектор. Претседателот на федерацијата Малаго категорично го одбил тој предлог после што двајцата после само 16 дена заминале од функцијата зошто „зборот не им вредел“.
- За нов технички директор е назначен Клаудио Раниери.
- Роберто Манчини за некој ден ќе биде претставен како нов селектор на Италија. Тој веќе ги водеше аѕурите и им донесе европска шампионска титула во 2021 во епското финале против Англија на „Вембли“. Тој беше тренер и на Лацио, Интер, Галатасарај и Зенит а ја водеше и селекцијата на Саудиска Арабија.
- Откако Тадеј Погачар го освои својот петти Тур де Франс, доби големи пофалби од Американецот Ленс Армстронг, на кого му беа одземени седум титули на Тур поради допинг.
- „Тој дечко е најголем на сите времиња. Може да победи на која било подлога и во која било трка. Дајте му стартен број и нема да биде важно дали вози по рамнини, коцки или планини. Тој само сака да се трка“.
- „Многу луѓе ме прашуваат што мислам за Тур и ме споредуваат со денешните возачи. Тоа веќе не е важно. Погачар е најголем на сите времиња. Видовме колку беше доминантен и како држеше сè под контрола. Би ме победил. Сериозно го мислам тоа“, вели Армстронг во својот подкаст „The Move“.
